Rome 1:28 - Mbeti ti Nzapa - Tënë so amu fini

²⁸ So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 1:28 ပူးပေါင်းရင်းမြစ်များ

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

2 Samuel 22:27

Zo so ayeke na vuru be, mo yeke sara na lo na vuru be; me zo so ayeke na sioni be, mo yeke na kode ti sara sioni na lo.

Abia (Psaumes) 69:27

ngbanga ti so zo so mo pika lo so, ala sara ngangu na lo mingi. Azo so mo zia ka na tere ti ala so, ala yeke diko tënë ti pasi ti azo ni.

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 1:29

Aye ni ayeke duti tongaso, ngbanga ti so ala ke ti hinga ye; ala ye ti kpe mbeto ti KOTA GBIA pepe.

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Amato 17:16

Nginza ayeke sara nyen na maboko ti zo ti buba? Lo ye ti vo na ndara? Ka so li ti lo ayeke daa pepe so!

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Jérémie 6:30

A di iri ti azo ni, atene: “Wen ti nginza so abuba”, ngbanga ti so KOTA GBIA ake ala awe.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Ezekiel 20:25

Mbi nga laa mbi mu na ala andia so ayeke nzoni pepe nga na lege ti asarango ye so mbi fa si ayeke sara titene zo aduti na fini pepe.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Awatokua 17:23

Biani, so mbi yeke tambula na ya ti gbata ti ala, mbi yeke baa anzapa so ala leke si ala yeke voro ni. Mbi baa nga mbeni gbalaka so a sara mbeti daa, atene: ‘So ayeke ti mbeni nzapa so e hinga lo pepe.’ Nzoni! Ye so ala yeke voro ni si ala hinga pepe so, ni laa mbi ga ti fa ni na ala.

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Rome 1:24

Ndani laa Nzapa azia ala titene ala sara asioni ye so alingbi na anzara ti be ti ala si ala wani ayeke sara aye ti kamene na tere ti ala na popo ti ala.

Rome 1:26

Ndani laa Nzapa azia ala titene ala sara aye ti kamene so nzara ni ayeke sara ala ahon ndoni: awali ti ala azia lege ti akoli awe si ala yeke gi tere na popo ti ala; ye so alingbi fade titene zo asara pepe.

1 Korente 15:34

Ala sara ye tongana azo so li ti ala ayeke daa, ala sara siokpari pepe! Biani, ambeni zo na popo ti ala ahinga Nzapa pepe. A-ita, mbi yeke tene tënë so ti zia kamene na le ti ala.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

Efeze 5:4

Asioni tënë, abuba tënë na atënë na ndö ti sarango ye ti kamene asigigi na yanga ti ala pepe. Me ala mu gi singila na Nzapa.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

2 Timothée 3:8

Azo ni so ake taa-tënë gi tongana ti so Yanes na Yambres ake ando tënë ti Moïse. Li ti azo ni so aga kirikiri si mabe ti ala ayeke ye oko pepe.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Philémon 1:8

So e ga oko na Christ awe so, mbi lingbi ti mu yanga na mo senge ti sara ye so mo lingbi ti sara.

2 Pierre 3:5

Ala girisa na mbana ti be ti ala wani so yayu na sese ayeke ando daa giriri: yayu na sese abaa gigi na lege ti tënë ti yanga ti Nzapa. Lo sara si sese na ngu akangbi si kuru sese asigigi na ya ti ngu.