Rome 1:23 - Mbeti ti Nzapa - Tënë so amu fini

²³ Nzapa so alingbi na gonda si lo yeke na fini kpu na kpu, azo azia ti voro lo si ala yeke voro limo ti zo so ayeke kui kuingo, ti andeke, ti anyama ti gere osio na ti anyama so ayeke hara harango.

Rome 1:23 ပူးပေါင်းရင်းမြစ်များ

Abia (Psaumes) 106:20

Ala zia Nzapa, lo so lo yeke gonda ti ala ti voro limo ti bagara so ayeke te gi pere.

Ésaïe 40:18

Ala ye ti haka Nzapa na zo wa? Limo ti nyen laa ala baa alingbi na lo?

Ésaïe 40:26

Ala yo le ti ala na nduzu, ala baa ndo: Zo wa laa asara atongoro, zo wa? Zo wa laa asara si ala yeke tambula na molongo tongana aturugu so, zo wa? Lo yeke iri ala oko oko kue na iri ti ala. Na lege ti kota ngangu ti lo nga na kota komandema ti lo, tongoro oko so ake ti ga na iringo ndo ti lo ayeke daa pepe.

Ésaïe 44:13

Sarapande agboto kamba ti haka na nduru keke ti lo, lo suru lege ni na kree, lo de tere ti keke ni na zeme, lo kpaka tere ni na rabo titene aza. Lo sara si keke ni aga tongana zo, aga pendere limo so akpa zo si a zia ni ti duti na ya ti mbeni da.

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Ezekiel 8:10

Mbi li si ye so mbi baa ayeke so: na tere ti dere ti gbagba ni kue, a de alimo ti anyama nde nde so kue ayeke hara harango nga na anyama so ayeke sioni so akpa titene zo abaa ni pepe. A de nga limo ti ayanda kue ti azo ti Israel na tere ti dere ni angoro ni kue kue kue.

Awatokua 10:12

Na ya ti bongo ni mara ti anyama kue ayeke daa: anyama ti gere osio na ala so ayeke hara harango, na mara ti andeke kue.

Awatokua 17:29

So e yeke amolenge ti Nzapa, e lingbi ti baa Nzapa pepe tongana anzapa so zo amu lôro, wen ti nginza wala têne si aleke na ni na lege ti ndara na kode ti lo.

Rome 1:25

Ala zia taa-tënë na ndö ti Nzapa awe si ala mu peko ti mvene; ala voro aye so Nzapa asara si ala sara kua na aye ni, me ala zia ti voro Nzapa so asara si aye kue abaa gigi. Ayeke nzoni azo agonda lo kpu na kpu! Amen.

1 Korente 12:2

Na ndembe so ala de ando ti hinga Nzapa pepe, a gboto ala ti gue na peko ti anzapa nde so ayeke tene tënë laoko pepe.

Ndia ti fani use ni 5:8

“Alingbi mo sara mbeni yanda ndali ti mo pepe, wala mbeni ye so akpa ye so ayeke na le ti nduzu, wala ye so ayeke na ndö ti sese wala ye so ayeke na ya ti ngu na gbe ti sese.

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Aye so Nzapa afa 9:20

Tanga ti azo so kue akui na lege ti asioni ye so pepe, ala zia pepe lege ti sarango asioni ye ti ala. Ala zia lege ti vorongo asioni yingo pepe; ala ngba ti voro ayanda so a sara na lôro, na wen ti nginza, na bengba wen, na têne nga na keke. Ayanda ni ayeke baa ndo pepe, ala yeke ma ndo pepe, ala yeke tambula nga pepe.