Rome 1:21 - Mbeti ti Nzapa - Tënë so amu fini

²¹ Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Rome 1:21 ပူးပေါင်းရင်းမြစ်များ

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

1 Agbia 20:23

Azo so angoro gbia ti Sirii atene na lo: “Nzapa ti azo ti Israel ayeke Nzapa ti ahoto. Ndani laa ala yeke ngangu ahon e so; me tongana e tiri bira na ala na kpangbara sese, gbaa, fade ngangu ti e ayeke hon ti ala.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Abia (Psaumes) 81:12

Me azo ti mbi ama yanga ti mbi pepe, azo ti Israel aye tënë ti mbi pepe.

Abia (Psaumes) 86:9

Kota Gbia, amara so kue mo sara ala, fade ala yeke ga ti kuku na gbe ti mo si ala yeke gonda iri ti mo.

Zo ti bongbingo azo 7:29

Gi ye oko so mbi baa ayeke so: Nzapa asara azo kue na legeni; me ala wani laa aga na gba ti akpale na ndö ti ala.

Ésaïe 60:2

Baa, vukongo ndo amu ndö ti sese, vukongo ndo so avuko pitipiti akanga ndö ti azo. Me ti mo, KOTA GBIA ayeke londo si gonda ti lo ayeke su na ndö ti mo.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Jérémie 9:14

Ndani laa, tënë so KOTA GBIA so ayeke na ndö ti dunia kue, Nzapa ti Israel, atene ayeke so: Mbi yeke mu na azo ti kodro ni sengo kugbe titene aga kobe ti ala ti tengo ni, mbi yeke mu na ala ngu so sioni yoro ayeke na ya ni titene ala nyon.

Ezekiel 14:5

Tongaso, fade tënë ti mbi ayeke ndu be ti azo ti Israel, ala so kue ague yongoro na mbi ndali ti ayanda ti ala so.

Ezekiel 20:25

Mbi nga laa mbi mu na ala andia so ayeke nzoni pepe nga na lege ti asarango ye so mbi fa si ayeke sara titene zo aduti na fini pepe.

Osée 2:8

“Ndani laa mbi KOTA GBIA, mbi yeke kanga lege ti lo na akamba ti ki, mbi yeke sara mbeni gbagba ti kanga na lege ni; fade lo yeke kiri ti wara lege ti lo ti hon daa pepe.

Jean 3:19

Nda ti ngbanga ni ayeke so: lumiere aga na ndö ti dunia so, me azo aye tënë ti lumiere ni pepe; ala ye gi tënë ti vukongo ndo, ngbanga ti so ye so ala yeke sara ayeke sioni.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Rome 1:19

Biani, ye so azo alingbi ti hinga Nzapa na ni, ala baa ni kue na le ti ala awe: Nzapa wani afa ni na ala polele.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 11:10

Ayeke nzoni le ti ala avuko, ala kiri abaa ndo oko pepe! Sara si peko ti ala aba bango lakue!”

Rome 15:9

Christ asara nga tongaso ti mu lege na azo ti amara nde ti gonda Nzapa ndali ti nzoni be so lo sara na ala, tongana ti so Mbeti ti Nzapa atene: “Ndani laa, fade mbi yeke sepela mo na popo ti amara nde, mbi yeke he bia ti gonda iri ti mo.”

Ndia ti fani use ni 28:29

Taa na bekombite, fade ala yeke tatara ndo tatarango tongana ti so awaziba ayeke tatara ndo. Aye so kue ala yeke sara ayeke ga nzoni oko pepe; lakue, azo ayeke sara gi ngangu na ala, azo ni ayeke nzi aye ti ala; zo oko ti ga ti soo ala ayeke daa pepe.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

1 Pierre 1:18

Ala wara nzoni ye oko pepe na lege ti sarango ye so ala mu na peko ti akotara ti ala. Me ala hinga awe ye so azi ala na ya ti sarango ye ni so, ye ni alingbi ti buba tongana nginza wala lôro pepe;

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 14:7

Lo yeke dekongo, lo tene: “Ala kpe mbeto ti Nzapa! Ala gonda lo ndali ti so ndembe titene lo fâ ngbanga na li ti azo alingbi awe. Ala voro lo, lo so lo sara yayu, sese, akota ngu-ingo nga na ali ti ngu!”

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”