Rome 1:15 - Mbeti ti Nzapa - Tënë so amu fini

¹⁵ Ndani laa mbi yeke na nzara ti fa nga Nzoni Tënë na ala, ala so ayeke na Rome.

Rome 1:15 ပူးပေါင်းရင်းမြစ်များ

1 Agbia 8:18

KOTA GBIA atene na lo: ‘Mo leke na be ti mo ti sara da ndali ti mbi, so nzoni mingi.

Ésaïe 6:8

Tongaso mbi ma go ti Kota Gbia, atene: “Zo wa laa mbi yeke tokua lo, zo wa? Zo wa laa ayeke gue ti tene peko ti tënë ti yanga ti e, zo wa?” Mbi kiri tënë, mbi tene: “Mbi laa, mo tokua mbi!”

Matthieu 9:38

Ayeke nzoni ala hunda na wa ti yaka ni titene lo tokua azo ti kua ti fâ ale ti kobe ti yaka ti lo ni.”

Marc 14:8

Lo sara ye so lo lingbi ti sara: lo tuku yombo na tere ti mbi kozoni ti ku na lango ti lungo kuâ ti mbi.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Rome 12:18

Tongana lege ayeke daa, tongana ala lingbi ti sara mbeni ye, ala duti na siriri na azo kue.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

1 Korente 9:17

Tongana mbi wani laa mbi soro fade ti sara kua ni so, ka alingbi ti futa mbi. Me a hunda na mbi na ngangu ti sara kua ni, ngbanga ti so Nzapa laa azia ni na maboko ti mbi.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.