Rome 1:14 - Mbeti ti Nzapa - Tënë so amu fini

¹⁴ Alingbi mbi mu tere ti mbi ti sara na azo kue: azo so le ti ala azi, abasanzi, azo so amanda ye mingi na ala so amanda ye pepe.

Rome 1:14 ပူးပေါင်းရင်းမြစ်များ

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 8:5

Ala azo so le ti ala ahan pepe so, ala gi lege ti hinga ye. Ala so ahinga ndo pepe so, ala manda lege ti duti na hingango ndo.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 28:2

Azo ti zoa ni ayamba e nzoni mingi. Ala sara mbeni kota wâ si ala iri e kue na tere ni, ngbanga ti so ngu ato nda ti pikango ni si de ayeke sara.

Awatokua 28:4

So azo ti zoa ni abaa ngbo ni na tere ti maboko ti Paul, ala tene na popo ti ala: “Koli so ayeke mbeni zo ti fango zo biani. Ataa so lo soo kuâ na le ti ngu, nzapa ti mbirimbiri aye titene lo ngba na fini pepe.”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 12:16

Ala ma tere na popo ti ala. Ala gi kota ndo pepe, me ala yeda ti sara asenge kua. Ala baa tere ti ala tongana azo ti ndara pepe.

Rome 13:8

Ala sara si yongo ti mbeni zo angba na li ti ala pepe, me gi yongo ti yengo tere ti ala na popo ti ala. Zo so aye amba ti lo, andaa lo sara awe ye so kue *Ndia atene tënë ni.

Rome 16:19

Ti ala, a-ita, azo kue ahinga atene, ala yeke azo ti mango tënë. Tongaso be ti mbi anzere na ala, me mbi ye titene ala duti azo ti ndara ti sara ye so ayeke nzoni, ala duti *nzoni ti ke lege ti ye ti sioni.

Rome 8:12

Ndani laa a-ita, ambeni ye ayeke daa so alingbi e sara ni, me e yeke sara ni ndali ti asioni nzara ti be ti e pepe: ti duti na fini na lege ti anzara ti be ni.

1 Korente 14:11

Me tongana mbi ma yanga ti kodro ti mbeni zo pepe, zo ni ayeke baa mbi tongana wande si mbi nga, mbi yeke baa lo tongana wande.

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

1 Korente 2:13

Tongaso e yeke mu atënë ti ndara ti azo ti tene na tënë ni pepe, me e yeke tene tënë ni na lege ti atënë so Yingo ti Nzapa ayeke fa na e. Nilaa e yeke fa nda ti atënë ti Yingo ti Nzapa na azo so ayeke na Yingo so.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

2 Korente 10:12

Biani, ambeni zo abaa tere ti ala tongana akota zo, e kpa ti haka tere ti e na ala pepe, e lingbi na ala pepe. Na le ti ala wani, ala baa tere ti ala tongana azo so alingbi awe si ala mu lege ti dutingo ti ala ti haka na azo kue. Andaa, li ti ala ayeke daa pepe!

2 Korente 11:19

Ala azo ti Korente, ala yeke azo so li ti ala ayeke daa. Ataa so kue, ala yeda ti kanga be ti ala ti ma azo so mbeni ye asara li ti ala!

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.