Rome 1:13 - Mbeti ti Nzapa - Tënë so amu fini

¹³ A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.

Rome 1:13 ပူးပေါင်းရင်းမြစ်များ

Ésaïe 27:6

Na ya ti angoi so ayeke ga, fade mara ti Jacob ayeke ga tongana keke so agunda ni asigigi, Israel ayeke ga tongana keke so kugbe asigigi daa, akongo ni asigigi; ale ti keke ni ayeke mu ndö ti dunia kue.

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 21:19

Paul abara ala si lo fa na ala na yanga ni, na yanga ni aye so Nzapa asara na lege ti lo na popo ti azo ti amara nde.

Awatokua 28:14

Na ya ti gbata so, e wara ambeni ita, azo ti Christ, so ahunda na e ti sara yenga oko na ala. Lege so e gue, e si na Rome laa.

Rome 1:12

Mbi ye ti tene mbirimbiri mbi tene, mbi ye ti si na ala si mbi na ala kue, e wara ngangu: ala wara ngangu ndali ti mabe ti mbi si mbi nga, mbi wara ngangu ndali ti mabe ti ala.

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 7:1

A-ita, ala hinga pepe? Mbi yeke tene tënë so na azo so ahinga *Ndia nzoni mingi: Ndia ayeke na ngangu na ndö ti zo gi na ngoi so zo ni ade na fini.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 10:1

A-ita, mbi ye ti dabe ti ala na ye so asi ando na akotara ti e: ala kue atambula na gbe ti mbinda, ala kue ahon na ya ti kota ngu-ingo na gere.

1 Korente 12:1

A-ita, tënë na ndö ti amatabisi ti Yingo-Vuru, mbi ye si ala hinga ni nzoni.

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

1 Korente 9:2

Tongana ambeni zo abaa mbi tongana watokua pepe, ti ala, azo ti *Eglize ti Korente, mbi yeke watokua biani! Biani, ala laa afa atene, mbi yeke watokua na lege so ala ga oko na Kota Gbia awe.

2 Korente 1:8

A-ita, e ye titene ala hinga tënë na ndö ti apasi so e baa na sese ti Azii: e baa lani pasi ngangu mingi, pasi ni aye ti hon ngangu ti e; ti be ti e, e tene, ti e ahunzi awe.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

Galasii 3:15

A-ita, mbi ye ti mu tapande ti mbeni ye so azo ayeke sara ka na popo ti ala: tongana ambeni zo ama tere na ndö ti mbeni tënë si ala leke gere ti tënë ni mbirimbiri awe, mbeni zo alingbi ti buba ya ni pepe, mbeni zo alingbi nga ti zia mbeni tënë na ndö ni pepe.

Galasii 6:18

A-ita, ayeke nzoni *Kota Gbia ti e Jésus Christ asara nzoni be na ala! Amen.

Filipe 1:22

Me tongana ngbango ti mbi na fini na sese so alingbi ti mu na mbi lege ti sara mbeni kua so zo alingbi ti wara ye na peko ni, mbi hinga ye so mbi lingbi ti soro ni pepe.

Filipe 4:17

Mbi yeke tumba peko ti ye ti azo pepe; me ye so mbi yeke gi ayeke titene azo ni awara nzoni mingi na lege ti kua so ala yeke sara.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

1 Tesalonike 2:18

Ndani laa, e ye ti gue na ndo ti ala kâ; mbi Paul, mbi gi lege fani mingi ti gue kâ, me Satan akanga lege na e.

1 Tesalonike 4:13

A-ita, e ye si ala hinga taa-tënë na ndö ti azo so akui awe, tongaso si vundu asara ala pepe tongana ti tanga ti azo so azia be ti ala ti ku mbeni ye pepe so.

2 Tesalonike 2:7

Ngangu ti Zo ti sioni ato nda ti sara kua ti lo awe; e lingbi ti ma ya ni, ngbanga ti so Nzapa afa ni na e awe. Tongana lo so ayeke gbanzi lege na Zo ti sioni ahon awe, fade ye ni ayeke si.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!