Rome 1:11 - Mbeti ti Nzapa - Tënë so amu fini

¹¹ Biani, nzara ti bango ala agbu mbi mingi si mbi lingbi ti kangbi na ala matabisi so aga na lege ti Yingo-Vuru, tongaso si ala kpengba.

Rome 1:11 ပူးပေါင်းရင်းမြစ်များ

Tongo nda ti aye 31:30

Fadeso, mo londo, mo hon awe, ngbanga ti so be ti mo ayeke do dongo lani ti kiri na da ti babâ ti mo. Me mo nzi anzapa ti da ti mbi ngbanga ti nyen?”

2 Samuel 13:39

Na pekoni, gbia David azia lege ti ngonzo so lo sara na tere ti Absalom, ngbanga ti so be ti lo ade awe ndali ti kuâ ti Amnon.

2 Samuel 23:15

Gi hio tongaso, nzara ti mbeni ye agbu David si lo tene: “Zo wa laa ayeke gue ti to ngu ti du ti ngu so ayeke na yanga ti gbata ti Betlehem ti ga na ni titene mbi nyon?”

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Awatokua 16:5

Tongaso azo ti *a-Eglize ni akpengba na lege ti mabe si lakue wungo ti azo ni ayeke gue gi na nduzu.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Rome 1:12

Mbi ye ti tene mbirimbiri mbi tene, mbi ye ti si na ala si mbi na ala kue, e wara ngangu: ala wara ngangu ndali ti mabe ti mbi si mbi nga, mbi wara ngangu ndali ti mabe ti ala.

Rome 15:23

Me fadeso, mbi hunzi kua ti mbi na ya ti akodro so ge kue awe. Ngu mingi mbi sara nzara ti si na ala kâ.

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

Rome 15:32

Tongaso, tongana Nzapa ayeda, fade mbi lingbi ti si na ala kâ na ngia si mbi duti na popo ti ala ti wu tere ti mbi kete.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

2 Korente 1:15

Mbi hinga biani mbi tene, ye ni ayeke tongaso, nilaa mbi ye lani ti si kozoni na popo ti ala titene ala wara nzoni ye fani use.

2 Korente 1:21

Nzapa laa ayeke sara titene mbi na ala kue, e kpengba na lege ti gango so e ga oko na Christ. Lo laa lo zia e nde ndali ti lo;

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

2 Korente 9:14

Ndali ti nzoni be so Nzapa asara na ala mingi so, azo ni ayeke ye tënë ti ala, azo ti Korente mingi si azo ni ayeke sambela ndali ti ala.

Filipe 1:8

Na le ti Nzapa, mbi ye ala kue na be ti mbi oko tongana ti so Jésus Christ aye na ala.

Filipe 2:26

Lo yeke na nzara mingi ti kiri ti baa ala kue, me be ti lo aduti nzoni pepe, ngbanga ti so ala ma tënë ti kobela ti lo.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

1 Tesalonike 3:13

Ayeke nzoni lo mu ngangu na be ti ala, tongaso si, na lango so Kota Gbia ti e Jésus ayeke kiri ti ga na azo ti lo kue, fade ala duti azo so tënë ayeke na li ti ala pepe, azo so ayeke nde si ayeke nzoni kue na le ti Nzapa, Babâ ti e. [Amen.]

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

2 Tesalonike 2:17

ti mu ngangu na be ti ala, ti sara si ala kpengba na ya ti aye so kue ala yeke sara, nga na lege ti atënë so ala yeke tene ti sara nzoni na azo!

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

1 Pierre 5:12

Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.

2 Pierre 1:12

Mbi ye lakue ti dabe ti ala na aye so, ataa so ala hinga ni awe si ala ngba lakue ti luti ngangu na ndö ti taa-tënë so ala hinga ni fadeso.