Rome 1:10 - Mbeti ti Nzapa - Tënë so amu fini

¹⁰ na ya ti asambela ti mbi, mbi yeke hunda titene, tongana be ti lo aye, lo zi na mbi lege ti si na ndo ti ala.

Rome 1:10 ပူးပေါင်းရင်းမြစ်များ

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 21:14

So e ha lo gbaa titene lo ngba, e zia lo si e tene: “Ayeke nzoni Kota Gbia asara ye so be ti lo aye!”

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

1 Korente 1:1

Mbi Paul, Nzapa airi mbi tongana ti so be ti lo aye titene mbi ga *watokua ti Jésus Christ; mbi na ita Sostene laa e tokua mbeti so

1 Korente 4:19

Me tongana Kota Gbia ayeda, fade mbi yeke si na ala kâ fafadeso. Tongana mbi si ande, mbi ye ti ma tënë ti azo ti baba so pepe, me mbi ye ti baa ngangu ti ala ti sarango na ye.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

1 Tesalonike 2:18

Ndani laa, e ye ti gue na ndo ti ala kâ; mbi Paul, mbi gi lege fani mingi ti gue kâ, me Satan akanga lege na e.

Philémon 1:22

Mo leke nga mbeni ndo ti lango ndali ti mbi, ngbanga ti so mbi zia be ti mbi ti ku so fade Nzapa ayeke ma sambela ti ala si lo yeke zi lege titene mbi kiri na popo ti ala.

Ahebro 13:19

Ye so mbi hunda na ala mingi ayeke titene ala sambela si mbi lingbi ti wara lege hio ti kiri na popo ti ala.

Jacques 4:15

Tënë so ala lingbi fade ti tene ayeke so: “Tongana *Kota Gbia ayeda si e ngba na fini, fade e yeke sara ye tongaso, wala ye tongaso.”