Osée 4:14 - Mbeti ti Nzapa - Tënë so amu fini

¹⁴ Me fade mbi yeke kiri peko ti sioni na amolenge ti ala ti wali pepe ndali ti sarango ye ti ndumba ti ala, wala mbi yeke kiri peko ti sioni na awali ti amolenge ti ala pepe ndali ti akoli ti amba ti ala so ala yeke gi so. Me mbi yeke kiri peko ti sioni na ala, awayango-sandaga, ngbanga ti so ala wani, ala yeke mu awali-ndumba so, ala yeke hon na ala na mbeni ndo si ala na awali-ndumba ni ayeke te kobe so a mu na sandaga na anzapa. Mbeni mato atene: ‘Mara so ahinga ndo pepe ayeke mara so ati awe.’

Osée 4:14 ပူးပေါင်းရင်းမြစ်များ

1 Agbia 15:12

Lo tumba na ya ti kodro ni akoli na awali so ayeke sara aye ti ndumba ndali ti anzapa nde, lo zi ayanda so kue akotara ti lo asara.

2 Agbia 23:7

Yosias akungbi na sese ada so azo aleke ndali ti akoli-ndumba si ayeke na ya ti kota da ti KOTA GBIA. Kâ, awali ayeke leke abongo ndali ti azo ti vorongo Ashera.

Amato 28:5

Azo ti sioni ahinga nda ti sarango ye ti mbirimbiri oko pepe; me azo so ayeke gi KOTA GBIA, ala hinga nda ni kue.

Ésaïe 1:5

So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Osée 4:1

Azo ti Israel, ala ma tënë ti *KOTA GBIA: KOTA GBIA ayeke na ngbanga na azo ti kodro, ngbanga ti so na ya ti kodro ni, tenengo taa-tënë ayeke daa pepe, ndoye ayeke daa pepe, hingango Nzapa ayeke daa pepe.

Osée 4:17

Azo ti Efraim abongbi na ayanda; zia ala!

Osée 5:4

Sarango ye ti ala akanga lege na ala ti kiri na Nzapa ti ala, ngbanga ti so pupu ti sarango ye ti ndumba ayeke ya na popo ti ala si ala hinga KOTA GBIA pepe.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Wungo ti azo 25:3

Azo ti Israel asara na nzapa *Baal ti Peor. Nilaa ngonzo ti *KOTA GBIA alondo na tere ti ala tongana wâ.

Jean 8:43

Ala ma ya ti tënë ti mbi pepe, ngbanga ti nyen? Ngbanga ti so ala lingbi ti ma tënë ti mbi pepe.

Rome 3:11

Zo ti hingango ndo ayeke daa pepe, zo ti gingo lege ti Nzapa ayeke daa pepe.

1 Korente 6:16

Ala hinga pepe atene, zo so aduti na wali-ndumba, lo na wali ni aga tere oko? Mbeti ti Nzapa atene: “Fade ala use kue ayeke ga gi tere oko.”

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Ndia ti fani use ni 23:17

Fade lo yeke duti na popo ti ala, na ndo so be ti lo aye, na ya ti gbata so lo yeke soro ti duti daa. Fade ala yeke sara ngangu na lo pepe.

Ahebro 12:8

Tongana Nzapa apika ala pepe tongana ti so lo yeke pika amolenge ti lo kue, tongaso ala yeke taa amolenge pepe, me ala yeke amolenge so a hinga babâ ti ala pepe.