Néhémie 9:5 - Mbeti ti Nzapa - Tënë so amu fini

⁵ Na pekoni, azo ti mara ti Lévi Yeshua, Kadmiel, Bani, Hashabeneya, Sherebia, Hodia, Shebania na Petahia atene na azo ni, atene: “Ala londo! Ala mu singila na KOTA GBIA Nzapa ti ala lakue lakue, kpu na kpu!” “*KOTA GBIA, ayeke nzoni zo oko oko amu singila na mo, ngbanga ti so iri ti mo alingbi na gonda! Iri ti mo ayeke kota ahon tënë so kue zo alingbi ti tene ti mu singila na mo nga ti sepela mo!

Néhémie 9:5 ပူးပေါင်းရင်းမြစ်များ

1 Agbia 8:14

Azo ti Israel kue abongbi, ala luti na nduzu; Salomon abaa ndo na mbage ti ala si lo sara tufa na ndö ti ala.

1 Agbia 8:15

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

1 Agbia 8:22

Na pekoni, Salomon aluti na dawa ti gbalaka ti *KOTA GBIA, na dawa ti bongbi ti azo ti Israel kue, lo yoro maboko ti lo na nduzu ti sambela,

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

1 Mbai 16:36

Singila na KOTA GBIA, Nzapa ti Israel ngbene ye lakue lakue, kpu na kpu! Nilaa azo kue atene: “Amen! Aleluya!”

1 Mbai 29:11

KOTA GBIA, mo yeke kota, mo yeke ngangu, mo lingbi na gonda, iri ti mo awu mingi, mo yeke gbia! Biani, aye so kue ayeke na yayu nga na ndö ti sese ayeke ti mo. KOTA GBIA, lengo-gbia ayeke ti mo si mo yeke na li ti aye kue.

1 Mbai 29:13

Ti fadeso, Nzapa ti e, e gonda mo si e ya iri ti mo so ayeke nzoni mingi.

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

2 Mbai 20:19

Na pekoni, azo ti mara ti Lévi, ala so ayeke ahale ti Kehat, na ahale ti Kore alondo ti gonda KOTA GBIA, Nzapa ti Israel na kota go mingi.

Esdras 3:11

Ala gonda KOTA GBIA na lege ti bia si ala mu singila na lo; ambeni ahe bia ni si ambeni akiri peko ti bia ni, atene: “KOTA GBIA ayeke nzoni, nzoni be ti lo angba ndali ti azo ti Israel kpu na kpu!” Azo kue asepela nga KOTA GBIA, ala dekongo ngangu, ngbanga ti so a lu gere ti kota da ti KOTA GBIA awe.

Néhémie 9:4

Yeshua, Bani, Kadmiel, Shebania, Buni, Sherebia, Bani na Kenani alondo si ala luti na ndo so a leke na nduzu ndali ti azo ti mara ti Lévi; ala dekongo ngangu na KOTA GBIA Nzapa ti ala.

Néhémie 9:6

Mo laa mo yeke KOTA GBIA, gi mo oko! Mo sara yayu so akono ahon ndoni nga na atongoro kue. Mo sara sese na aye so kue ayeke na ndö ni. Mo sara akota ngu-ingo na aye so kue ayeke na ya ni. Mo yeke bata aye so kue na fini; aye so kue ayeke na yayu ayeke kuku na gbe ti mo.

Mbeti ti Job 1:21

si lo tene: “Mbi sigigi na ya ti mama ti mbi, tere ti mbi senge; mbi yeke kiri na ya ti sese, tere ti mbi senge. KOTA GBIA amu ye na mbi, KOTA GBIA akiri amu ye ti lo. Ayeke nzoni e mu singila na KOTA GBIA!”

Abia (Psaumes) 106:2

Zo wa laa alingbi ti tene tënë ti akota ye so KOTA GBIA asara zo wa? Zo wa laa alingbi ti fa atënë ti gonda ti lo kue, zo wa?

Abia (Psaumes) 134:1

A yeke he bia so na ndembe ti guengo ni na Jérusalem. Ala ga, e mu singila na *KOTA GBIA, ala so kue ayeke azo ti kua ti KOTA GBIA, ala so ayeke luti na da ti KOTA GBIA na bi kue.

Abia (Psaumes) 145:2

Mbi yeke mu singila na mo lakue lakue, mbi yeke sepela iri ti mo kpu na kpu.

Abia (Psaumes) 145:5

Mbi yeke kiri ti tene tënë ti aye ti kpene ti mo, tënë ti gonda ti mo na ti nengo ti mo ti gbia.

Abia (Psaumes) 146:2

Na lango ti fini ti mbi kue, mbi ye ti sepela KOTA GBIA; na ngoi so kue mbi yeke ngba na fini, mbi ye ti he bia na Nzapa ti mbi.

Abia (Psaumes) 16:2

Mbi tene na *KOTA GBIA, mbi tene: “Mo laa mo yeke Kota Gbia ti mbi! Anzoni ye ti mbi kue alondo gi na mo.”

Abia (Psaumes) 66:2

Ala he bia ti gonda na iri ti lo, ala gonda lo na lege ti sepelango lo.

Abia (Psaumes) 99:3

Ayeke nzoni azo asepela iri ti mo so ayeke kota si ayeke zia mbeto na be ti zo. – Biani, mo yeke nde si mo yeke nzoni kue!

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 15:6

KOTA GBIA, maboko ti mo ti koli afa kota ngangu ti mo! KOTA GBIA, maboko ti mo ti koli anika awato!

Daniel 2:20

lo tene: “E mu singila na Nzapa; e mu singila na lo ngbene ye kpu na kpu, lakue lakue! Biani, ndara na ngangu ayeke ti lo.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

Ndia ti fani use ni 28:58

Atënë ti ndia ti Nzapa so kue a su na ya ti buku so, alingbi ala sara kue ti sara ye alingbi na ni. Alingbi ala ne iri ti lo so alingbi na gonda, iri so ayeke mu mbeto na zo: “KOTA GBIA Nzapa ti ala”.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

Awafango-ngbanga 13:18

Ange ti KOTA GBIA akiri tënë na lo: “Mo ye ti hinga iri ti mbi ngbanga ti nyen? Iri ni ayeke ye ti kpene.”