Néhémie 9:37 - Mbeti ti Nzapa - Tënë so amu fini

³⁷ Sese ni ayeke du ale ti kobe gbani gbani gi ndali ti agbia so mo zia ala na li ti e. Mo zia agbia ni na li ti e ndali ti siokpari ti e. Ala yeke sara komandema na ndö ti e nga na ndö ti anyama ti e tongana ti so be ti ala aye. Ti e, e yeke na ya ti kota mawa!”

Néhémie 9:37 ပူးပေါင်းရင်းမြစ်များ

Esdras 4:13

Gbia, ayeke nzoni mo hinga, mo tene, tongana a leke gbata so si a leke gbagba ni awe, fade azo ni ayeke kiri ti futa lapo pepe, wala lapo na ndö ti akungba wala lapo ti lege pepe. Tongana ala ke ti futa ni, fade mosoro ti gbia ayeke kiri na peko.

Esdras 6:8

Mbela so mbi mu ndali ti agovoronere ti azuife na akangba ti azuife so ayeke leke kota da ti Nzapa ayeke so: a yeke futa azo ti kua ni na nginza so a zi ni na ndö ti amosoro ti gbia; so ti tene, nginza ti alapo so azo ti sese ti mbage ti Do ti ngu ti Efrate afuta. Ala mu nginza ni na azo so; tongaso si akua ni alingbi ti luti na lege pepe.

Esdras 7:24

E ye nga ti fa na awabatango-nginza, e tene: fade awayango-sandaga, azo ti mara ti Lévi, azo ti hengo bia, asanziri na azo ti kua ti kota da ti Nzapa, na tanga ti azo ti kua kue, ndia amu lege pepe titene ala futa lapo, nginza na ndö ti akungba nga na lapo ti lege.

Néhémie 5:8

Mbi tene na ala: “A-ita ti e azuife so a ka ala lani na amara nde, e laa e kiri e vo ala alingbi na nginza so e yeke na ni. Fadeso ala laa akiri ayeke ka a-ita ti ala? Ala ye ti ka ala taa na e amba ti ala, amolenge ti kodro?” Yanga ti ala ade sui, zo oko akiri azi yanga pepe.

Abia ti demango tere 5:5

Awato ti e ayeke na ndö ti e, ala yeke tumba peko ti e; ngangu ti e ahunzi kue awe, wungo tere ayeke daa pepe.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Jean 8:33

Ala kiri tënë na lo, atene: “Kotara ti e ayeke Abraham, laoko e sara ngbaa na gbe ti mbeni zo pepe. Tongana nyen laa mo tene e yeke sigigi na gbe ti ngbaa so?”

Ndia ti fani use ni 28:33

Mbeni mara so ala, azo ti Israel, ala hinga lo pepe, ayeke te akobe ti ayaka ti ala nga na aye so ala wara na lege ti kua ti ala. A yeke sara ngangu na ala lakue si a yeke nika ala.

Ndia ti fani use ni 28:39

Ala yeke lu ayaka ti vinye, ala yeke leke tere ni nzoni, me ala yeke nyon vin ni pepe; ala yeke ko ale ti vinye ni nga pepe, ngbanga ti so asioni makongo ayeke te ni kue.

Ndia ti fani use ni 28:48

fade ala yeke ga angbaa ti awato so KOTA GBIA ayeke tokua ala na tere ti ala. Nzara ti kobe na nzara ti ngu ayeke sara ala; bongo ayeke na ala pepe, ye kue ayeke tia ala. KOTA GBIA ayeke zia na go ti ala *zuge ti wen, ngbii ala hunzi kue.

Ndia ti fani use ni 28:51

Azo ti mara ni so ayeke gbu anyama ti ala na akobe ti yaka ti ala. Ti ala, azo ti Israel, ala yeke kui na nzara. Azo ti mara ni ayeke zia mbeni ye oko na ala pepe, ataa *ble, ataa mafuta, ataa akete bagara ti ala, ataa akete taba ti ala, ataa akete ngasa ti ala. Azo ti mara ni ayeke sara tongaso ngbii ala hunzi kue.