Néhémie 9:32 - Mbeti ti Nzapa - Tënë so amu fini

³² Nzapa ti e, mo yeke kota Nzapa, mo yeke ngangu, mo yeke mu mbeto na zo; *mbuki so mo sara na e, mo yeke bata tënë ni mbirimbiri. Ti londo na ngoi ti agbia ti Asirii ngbii asi laso, aye ti ngangu so asi na e wani, agbia ti e na amakonzi ti e, awayango-sandaga na awayanga-Nzapa ti e, akotara ti e na azo ti mo kue, ayeke nzoni mo baa ni tongana senge ye pepe.

Néhémie 9:32 ပူးပေါင်းရင်းမြစ်များ

1 Agbia 8:23

lo tene: “KOTA GBIA, Nzapa ti Israel, mbeni nzapa tongana mo ayeke daa pepe, ataa na yayu kâ wala na sese ge. Mo yeke bata tënë ti *mbuki na azo ti kua ti mo si mo yeke sara nzoni be na azo so ayeke tambula na dawa ti mo na be ti ala kue.

2 Agbia 15:19

Pul, gbia ti Asirii ali ti sara bira na sese ti Israel. Tongaso Menahem amu na lo wen ti nginza so nengo ni ayeke kilo saki baleota titene Pul amu na lo maboko si komandema ti lo akpengba.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 17:23

Nilaa KOTA GBIA atumba ala yongoro na tere ti lo alingbi na tënë so lo tene na lege ti azo ti kua ti lo so kue ayeke awayanga-Nzapa. Tongaso a mu azo ti Israel na sese ti ala wani, a gue na ala na kodro ti Asirii, ndo so ala ngba daa ngbii asi laso.

2 Agbia 17:3

Salmanasar, gbia ti Asirii aga ti tiri bira na Osée. Osée aga zo ti gbe ti lo si ayeke futa lapo na ngu oko oko.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 23:29

Na ngoi so Yosias ayeke gbia, Faraon Neko, gbia ti Ezipte ague ti wara tere na gbia ti Asirii na mbage ti *bale ti Efrate. Gbia Yosias ague ti tiri bira na lo, me gi na ya ti kozo tengbingo tere ni, a fâ Yosias na Megido.

2 Agbia 25:7

A fâ go ti amolenge ti Sedesias taa na le ti lo. Na pekoni, gbia ti Babilone akoro le ti Sedesias, lo kanga lo na azingiri use ti bengba wen si lo gue na lo na Babilone.

Esdras 4:10

na iri ti azo so Asnapar, lo so lo yeke kota mingi si iri ti lo awu mingi, lo so lo gbu lani ala si lo ga lo zia ala na ya ti agbata ti Samarii nga na ya ti tanga ti sese so ayeke na Do ti ngu ti Efrate…”

Esdras 4:2

Awato ni aga abaa Zorobabel na azo ti li ti asewa ti azo ti Israel si atene na ala: “E ye ti mu maboko na ala na lekengo da ni! Biani, oko Nzapa so ala yeke voro lo laa e nga, e yeke voro lo; e yeke ya asandaga na lo ngbene ye na ngoi so Asaradon, gbia ti Asirii, agbu e si aga na e ge.”

Esdras 9:13

Nzapa ti e, akpale so kue asi na e ndali ti asioni sarango ye ti e nga ndali ti kota sioni ye so e sara. Me mo fâ ngbanga na li ti e alingbi na asioni ti e ni pepe. Mo sara si e ngba na fini, e so e yeke ge so.

Néhémie 1:5

mbi tene: “*KOTA GBIA, Nzapa ti yayu, mo yeke kota, mo yeke mu mbeto na zo! Mo yeke bata tënë ti *mbuki ti mo na azo so ayeke sara ye alingbi na atënë ti ndia ti mo; mo yeke sara nzoni be na azo so aye mo.

Abia (Psaumes) 47:2

Ala azo kue, ala pika maboko, ala dekongo na Nzapa, na ngia.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Abia (Psaumes) 66:5

Ala ga abaa aye so Nzapa asara! Akota ye so lo sara ayeke zia mbeto na be ti azo.

Sigingo 18:8

Moïse afa na kogara ti lo peko ti ye so kue KOTA GBIA asara na Faraon nga na azo ti Ezipte ndali ti azo ti Israel. Lo fa nga na lo peko ti akpale so kue ala wara na lege si KOTA GBIA azi ala na ya ni.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Daniel 9:8

KOTA GBIA, kamene ayeke na le ti e, e na agbia ti e, na amakonzi ti e na akotara ti e, ngbanga ti so e sara siokpari so ake mo.

Awayango-sandaga 26:18

“Na peko ti aye so kue, tongana ala ma yanga ti mbi pepe, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:21

“Tongana ala ngba ti sara ngangu li na mbi si ala ke ti ma yanga ti mbi, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:24

fade mbi nga, mbi yeke sara ngangu li na ala, mbi yeke kiri ti pika ala fani mbarambara ndali ti asiokpari ti ala.

Awayango-sandaga 26:28

fade mbi nga, na sioni ngonzo na be ti mbi, mbi yeke sara ngangu li na ala; mbi wani, mbi yeke kiri ti pika ala fani mbarambara ndali ti asiokpari ti ala.

Ndia ti fani use ni 7:12

Tongana ala dingi mê ti ala ti ma atënë ti ndia ni, tongana ala bata ni si ala sara ye alingbi na ni, fade KOTA GBIA ayeke bata ndali ti ala tënë ti mbuki so lo na akotara ti ala asara ni; lo yeke ngba ti sara nzoni be na ala.

Ndia ti fani use ni 7:13

Lo yeke ye ala, lo yeke sara tufa na ndö ti ala, lo yeke sara si ala du amolenge mingi. Lo yeke sara tufa na ndö ti akobe ti yaka ti ala, ble ti ala, fini vin ti ala na mafuta ti ala. Lo yeke sara si abagara ti ala, ataba ti ala na angasa ti ala adu mingi na ya ti kodro so lo yeke mu na ala, alingbi na zendo so lo mu na akotara ti ala.

Ndia ti fani use ni 7:21

Tongaso, alingbi ala do na mbeto na le ti azo ti amara ni so pepe, ngbanga ti so KOTA GBIA Nzapa ti ala ayeke na ala, lo yeke kota si lo yeke sara ye ti ziango mbeto na be ti zo.

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.