Néhémie 9:30 - Mbeti ti Nzapa - Tënë so amu fini

³⁰ Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Néhémie 9:30 ပူးပေါင်းရင်းမြစ်များ

2 Agbia 18:11

Gbia ti Asirii agbu azo ti Israel, ague na ala na kodro ti Asirii; lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Agbia 21:10

Nilaa KOTA GBIA atene tënë na lege ti azo ti kua ti lo, awayanga-Nzapa, atene:

2 Mbai 24:19

Na pekoni, KOTA GBIA atokua awayanga ti lo na popo ti azo ni ti mu wango na ala titene ala kiri na mbage ti lo; me zo oko ama tënë ti ala pepe.

Esdras 9:10

“Fadeso, Nzapa ti e, e lingbi ti tene nyen na peko ti ye so asi so? Biani, e zia lege ti atënë ti ndia

Néhémie 9:20

Mo mu na ala nzoni yingo titene ala wara hingango ndo; mo mu na ala *mane ti tengo ni lakue, mo mu na ala ngu ti nyon.

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 95:10

Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

Ésaïe 28:10

Ala ma lo: ‘BA-BA, BABA, MA-MA, MAMA, GE, KÂ, GE, KÂ!’ ”

Ésaïe 42:24

Zo wa laa azia Jacob na maboko ti azo so amu aye na tere ti lo kue so? Zo wa laa azia Israel na maboko ti azo so anzi aye ti lo kue so? Ayeke KOTA GBIA pepe? Biani, e sara lani siokpari so ake lo; azo ti lo atambula na lege ti lo pepe, ala ma tënë ti Ndia ti lo pepe.

Ésaïe 48:9

Me ndali ti so mbi yeke Nzapa, mbi kanga ngonzo ti mbi. Ndali ti sepelango so alingbi na mbi, mbi kanga be ti mbi na ala, mbi zia lege ti hunzingo ala biani biani.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Jérémie 25:4

KOTA GBIA amu ngoi ti lo kue ti tokua na ala azo ti kua ti lo so kue ayeke awayanga-Nzapa. Me ala, azo ti Juda, ala ma pepe; ala ke ti dingi mê ti ala ti ma.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Jérémie 44:4

Mbi mu ngoi ti mbi kue ti tokua na ala na peko ti tere, na peko ti tere, azo ti kua ti mbi so ayeke awayanga-Nzapa ti tene na ala: ‘Be ti mbi ake asioni sarango ye so zo alingbi ti baa na le ti lo fani use pepe so; ala sara ni pepe!

Jérémie 44:5

Me ala ma pepe, ala dingi mê ti ala ti ma ni pepe; ala zia pepe lege ti sioni sarango ye ti ala, ala zia pepe lege ti mungo asandaga na anzapa nde.

Jérémie 7:25

Ti londo na lango so akotara ti ala asigigi na sese ti Ezipte ngbii asi laso, mbi mu ngoi ti mbi ti tokua na ala azo ti kua ti mbi kue so ayeke awayanga-Nzapa. Na ya ti lango oko oko, mbi yeke tokua ala.

Abia ti demango tere 2:17

KOTA GBIA asara ye so lo leke na be ti lo ti sara; lo sara ye alingbi na tënë ti yanga ti lo, tënë so lo leke na be ti lo ando kozoni so. Lo buba kodro ni kue awe; lo baa mawa ti zo oko pepe. Lo mu lege na awato ti he gbata ti Jérusalem; lo kiri lo mu ngangu mingi na awato ni.

Daniel 9:6

Azo ti kua ti mo so ayeke awayanga-Nzapa atene peko ti tënë ti yanga ti mo na agbia ti e, na amakonzi ti e, na akotara ti e nga na azo ti kodro kue; me e ke ti ma ala.

Zakarii 7:12

Ala kiri akpengba be ti ala ngangu tongana diaman; ala ke ti ma atënë ti ndia na atënë ti KOTA GBIA; atënë so KOTA GBIA so ayeke na ndö ti dunia kue afa na ala na lege ti Yingo ti lo si akozo wayanga-Nzapa afa peko ni so. Tongaso ngonzo agbu KOTA GBIA mingi, lo so lo yeke na ndö ti dunia kue so.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Wungo ti azo 11:26

Ambeni koli use angba na ya ti bâbâ ni; iri ti mbeni ayeke Eldad, iri ti mbeni ayeke Medad. Yingo ni aga nga na ndö ti ala; iri ti ala ayeke na popo ti akangba balembarambara, me ala gue ti ala na da ti bongo ni pepe. Ala nga ato nda ti tene tënë tongana awayanga-Nzapa na ya ti bâbâ ni.

Awatokua 13:18

Nduru na ngu baleosio, lo bata ala na ya ti benyama.

Awatokua 28:25

Azo ni ama tere na popo ti ala na ndö ti tënë ni pepe. So ala londo ti gue, Paul atene na ala gi mbeni tënë oko, lo tene: “Tënë so ando Yingo-Vuru atene na akotara ti ala na lege ti wayanga-Nzapa Ésaïe so ayeke taa-tënë! Yingo-Vuru atene:

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

2 Pierre 3:9

Ye so Kota Gbia amu zendo ni, lo yeke ninga ti sara ni pepe. Me ambeni zo ayeke tene, lo ngba ti ku gi kungo. Andaa lo ngba ti ku, ngbanga ti so lo ye pepe titene zo oko akui, me lo ye titene azo kue azia ngbene lege ti sarango ye ti ala.