Néhémie 9:27 - Mbeti ti Nzapa - Tënë so amu fini

²⁷ Tongaso mo zia ala na maboko ti awato ti ala so asara ngangu na ala. Na ngoi ti ye ti vundu ti ala, ala toto na mo si kâ na yayu, mo ma ala. Na lege ti kota nzoni be ti mo, mo tokua ambeni zo ti zi ala na maboko ti awato ti ala.

Néhémie 9:27 ပူးပေါင်းရင်းမြစ်များ

2 Agbia 13:5

Tongaso KOTA GBIA atokua mbeni zo titene lo soo azo ti Israel. Nilaa azo ti Israel awara lege ti sigigi na gbe ti maboko ti azo ti Sirii si ala lingbi ti duti na siriri na ya ti ada ti ala tongana ti kozo.

2 Agbia 14:27

Me KOTA GBIA atene ando pepe atene, fade ni yeke zi iri ti Israel na ndö ti sese so biani biani. Nilaa lo soo ala na lege ti Yeroboam, molenge ti Yoas.

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

2 Agbia 17:39

Ala voro gi mbi KOTA GBIA, Nzapa ti ala. Mbi laa mbi yeke zi ande ala na maboko ti awato ti ala kue.”

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

Néhémie 9:19

Me na lege ti kota nzoni be ti mo, mo zia ala na ya ti benyama pepe: na kota lâ, mbinda so ayeke fa lege na ala ahon yongoro na tere ti ala pepe; ngbongboro wâ so ayeke za ti fa lege na ala ahon nga yongoro na tere ti ala pepe.

Abia (Psaumes) 136:24

Lo zi e na maboko ti awato ti e. – Biani, nzoni be ti lo angba kpu na kpu!

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

Awafango-ngbanga 2:18

Lakue tongana KOTA GBIA amu mbeni wafango-ngbanga na ala, KOTA GBIA ayeke na lo; wafango-ngbanga ni ayeke zi azo ti Israel na maboko ti awato ti ala na ngoi so kue wafango-ngbanga ni angba na fini. KOTA GBIA ayeke baa mawa ti ala tongana ala yeke dema tere ndali ti pasi so ala yeke baa na gbe ti azo so ayeke sara sana na ala.