Néhémie 9:26 - Mbeti ti Nzapa - Tënë so amu fini

²⁶ Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Néhémie 9:26 ပူးပေါင်းရင်းမြစ်များ

1 Agbia 14:9

Ti mo, mo sara ye ti sioni mingi ahon azo so kue ayeke kozoni na mo: mo zia ngonzo na be ti mbi na lege so mo sara ndali ti mo wani anzapa nde nga na ayanda so mo kporo bengba wen si mo sara na ni; mo zia mbi na peko!

1 Agbia 18:13

Kota zo ti mbi, ye so mbi sara na ndembe so Yezabel ato nda ti fâ awayanga-Nzapa so, azo ade ti fa peko ni na mo pepe? Mbi mu lani ambeni wayanga-Nzapa ngbangbo oko si mbi honde ala. Mbi mu ala baleoku, baleoku si mbi honde ala na ya ti akota du ti têne use. Lakue, mbi yeke mu na ala kobe na ngu.

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

2 Agbia 21:10

Nilaa KOTA GBIA atene tënë na lege ti azo ti kua ti lo, awayanga-Nzapa, atene:

2 Agbia 21:11

“Manase, gbia ti Juda asara asioni ye so kue zo alingbi ti baa na le ti lo fani use pepe; lo sara asioni ye ni ahon azo ti mara ti Amori so ayeke kozoni na lo; lo pusu nga azo ti Juda ti sara siokpari na lege ti ayanda ti lo.

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Néhémie 9:18

Ala mu lôro akporo ni si asara na molenge ti bagara si ala tene: ‘Baa, nzapa ti e so asara si e sigigi na Ezipte laa!’ Na sarango ye tongaso, ala zonga mo mingi.

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Abia (Psaumes) 50:17

Andaa mo ke atënë ti gbotongo mê ti mo so mbi gboto si mo do na gere atënë ti yanga ti mbi.

Jérémie 16:11

Tongaso, fade mo yeke kiri tënë: ‘So tënë ti yanga ti KOTA GBIA laa: Kota kpale ni ayeke ti na ndö ti ala, ngbanga ti so akotara ti ala ado mbi, azia, ala mu peko ti anzapa nde ti voro ala, ala ti akpo li ti ala na sese na gbe ti ala. Me mbi, akotara ti ala ni ado mbi, azia, ala ke ti sara ye alingbi na ye so mbi fa na ala.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 2:7

Mbi sara si ala li na ya ti kodro so kobe ayeke du daa gbani gbani titene ala te anzerengo le ti kobe ni si ala wara anzoni ye ti kodro ni. Me so ala li na ya ti kodro ti mbi ni, ala sara si aga *sioni. Ala sara si ye so ayeke ti mbi aga ye ti sioni so zo alingbi ti baa na le fani use pepe.

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Jérémie 42:19

“Ala atanga ti azo ti Juda, KOTA GBIA atene na ala: Ala gue na Ezipte pepe! Ala ma tënë so nzoni: laso, mbi tene tënë so na ala polele!

Abia ti demango tere 3:42

E yeke azo so ake lege ti mo, e yeke azo ti sarango ngangu li, nilaa mo zi tënë ni na li ti e pepe.

Ezekiel 20:21

Me amolenge ti ala ni atomboka na tere ti mbi. Ala sara ye alingbi na andia ti mbi pepe, ala sara ye pepe na lege ti asarango ye so mbi fa; ala sara ye alingbi na ni pepe. Andaa zo ayeke duti na fini tongana lo sara ye alingbi na aye ni so. Ala sara si lango ti wungo tere aga sioni. Tongaso mbi tene: Na benyama, fade mbi yeke tuku ngonzo ti mbi ti wâ na ndö ti ala ngbii be ti mbi ade si.

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Ndia ti fani use ni 32:14

Lo sara si ala nyon ngu ti me ti abagara na ti ataba; ala te kasa ti mafuta ti akete taba, ti akoli-taba ti sese ti Bashan na ti akoli-ngasa, ala te pendere *ble, ala nyon vin so abe tongana mene si aso mingi.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

Awafango-ngbanga 10:6

Azo ti Israel akiri asara ye so ayeke sioni na le ti *KOTA GBIA: ala voro anzapa *Baal na *Astarte. Ala voro nga anzapa ti azo ti Sirii, ti Sidon, ti Moab, ti Amon na ti azo ti Filistii. Ala do KOTA GBIA azia si ala kiri avoro lo pepe.