Néhémie 9:23 - Mbeti ti Nzapa - Tënë so amu fini

²³ Mo sara si *ahale ti ala awu mingi tongana atongoro ti yayu. Mo sara si ala li na sese so mo hunda ando na akotara ti ala titene ala gue, amu ni si aga ti ala.

Néhémie 9:23 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 15:5

Na pekoni, KOTA GBIA amu Abram, asigigi na lo si atene na lo: “Baa ndo na le ti nduzu, mo diko atongoro tongana mo lingbi ti diko ni.” Lo kiri lo tene na Abram: “Fade *Ahale ti mo ayeke ga mingi mingi tongaso.”

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

1 Mbai 27:23

Azo so ngu ti ala ayeke baleuse na ala so ngu ti ala ayeke na gbe ti ngu baleuse, David adiko wungo ti ala pepe. Biani, *KOTA GBIA atene lani atene, fade lo yeke sara titene azo ti Israel awu mingi tongana atongoro ti le ti nduzu.

Sigingo 1:12

Me tongana a yeke sara pasi na ala mingi, ala kiri awu ahon ndoni si ala mu ndo mingi. Ndani laa be ti azo ti Ezipte ato nda ti ke azo ti Israel si ala sara mbeto ti ala.

Sigingo 1:7

Azo ti Israel adu gbani si ala wu ahon ndoni, ngangu ti ala ayeke gue guengo na nduzu; ala si singo na ya ti kodro ni.

Ndia ti fani use ni 28:62

So lani ala, azo ti Israel, ala wu tongana atongoro ti le ti nduzu so, fade wungo ti ala ayeke ngba gi kete, ngbanga ti so ala ke fade ti ma yanga ti KOTA GBIA Nzapa ti ala.