Néhémie 9:22 - Mbeti ti Nzapa - Tënë so amu fini

²² Mo zia akodro-gbia na amara na maboko ti akotara ti e. Ala mu asese so ayeke nduru na ala titene aga ti ala: kodro ti Sihon, gbia ti Heshebon na kodro ti Og, gbia ti Bashan.

Néhémie 9:22 ပူးပေါင်းရင်းမြစ်များ

Abia (Psaumes) 105:44

Na pekoni, lo mu na ala sese ti amara nde si ye ti peko ti kua ti amara ni aga ti ala.

Abia (Psaumes) 78:65

Na pekoni, KOTA GBIA azingo na lango tongana zo so azingo na lango, tongana ngangu zo ti bira so samba ayapu lo.

Jérémie 27:5

Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ndia ti fani use ni 1:4

Moïse atene atënë ni na ala na peko ti so lo kinda Sihon, gbia ti azo ti mara ti Amori so ayeke lango na gbata ti Heshebon; lo kinda nga na gbata ti Edrei, Og, gbia ti Bashan so ayeke lango na gbata ti Ashetarot.

Ndia ti fani use ni 32:26

Mbi tene: ‘Mbi leke na be ti mbi ti fâ ala kue ti hunzi ala, mbi ye titene zo akiri adabe ti lo na mara ti ala pepe na ndö ti sese so.

Ndia ti fani use ni 4:46

Na ngoi ni so, ala yeke na To ti ngu ti Jourdain, na popo-hoto so abaa le na kodro ti Bet-Peor, na sese ti Sihon, gbia ti azo ti mara ti Amori. Sihon alango lani na gbata ti Heshebon, me Moïse na azo ti Israel akinda lo na ndembe so ala sigigi na Ezipte.

Ndia ti fani use ni 4:47

Ala mu sese ti lo si aga ti ala; ala mu nga sese ti Og, gbia ti Bashan. – Agbia use ti azo ti mara ti Amori so ayeke le-gbia lani na To ti ngu ti Jourdain. –

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.

Josué 11:23

Josué amu sese ni kue alingbi na tënë so KOTA GBIA atene ando na Moïse. Na pekoni, Josué amu ni na azo ti Israel titene aga ti ala si lo kangbi ni na lege ti amara ti ala. Tongaso, sese ni aduti na siriri, bira ayeke daa pepe.