Néhémie 9:21 - Mbeti ti Nzapa - Tënë so amu fini

²¹ Mo bata ala ngu baleosio na ya ti benyama; mbeni ye atia ala pepe, bongo ti ala aga gbagba ni pepe, gere ti ala asuku pepe.

Néhémie 9:21 ပူးပေါင်းရင်းမြစ်များ

Abia (Psaumes) 34:10

Ala azo so KOTA GBIA azia ala nde ndali ti lo, ala kpe mbeto ti lo! Biani, azo so ayeke kpe mbeto ti lo, ye ayeke tia ala pepe.

Sigingo 16:35

Azo ti Israel ate mane so na ya ti ngu baleosio ngbii ala si na sese so azo aduti daa. Ala te ni ngbii ala si na katikati ti sese ti Kanaan.

Amos 5:25

“Ala azo ti Israel, ngu baleosio so ala sara ando na benyama so, ala mu na mbi asandaga ti nyama na ti ale ti kobe?

Awatokua 13:18

Nduru na ngu baleosio, lo bata ala na ya ti benyama.

Ndia ti fani use ni 2:7

– Biani, ala azo ti Israel, KOTA GBIA asara tufa na ndö ti ala na ya ti aye so kue ala sara. Lo baa ndo na ndö ti ala na ndembe so ala hon na ya ti kota benyama so. Na ya ti ngu baleosio kue, KOTA GBIA Nzapa ti ala ayeke na ala, ye oko atia ala pepe. –

Ndia ti fani use ni 29:5

Kobe ti ala ti tengo ni ayeke lani mapa pepe, ngu ti ala ti nyongo ni ayeke vin wala angangu samba pepe. Aye so kue asi titene ala hinga atene, lo yeke KOTA GBIA Nzapa ti ala.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Ndia ti fani use ni 8:4

Na ya ti ngu baleosio so kue, bongo ti ala aga gbagba ni pepe, gere ti ala asuku pepe.