Néhémie 9:2 - Mbeti ti Nzapa - Tënë so amu fini

² Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Néhémie 9:2 ပူးပေါင်းရင်းမြစ်များ

1 Agbia 8:47

na kodro so a gbu azo ti mo si a gue na ala daa so, tongana ala gbu li ti ala, ala zia ngbene lege ti sarango ye ti ala si ala toto na mo na ya ti kodro ni kâ, atene: ‘E ke yanga ti mo awe, e sara siokpari awe, e sara sioni awe!’,

Esdras 10:11

Fadeso, na le ti KOTA GBIA, Nzapa ti akotara ti ala, ala hinga sioni ti ala, ala sara ye so be ti lo aye. Ala kangbi na azo ti kodro ni nga na awali ti ala so ayeke awande.”

Esdras 6:21

Tongaso, azo ti Israel so alondo na kodro wande akiri, ala kue ate kobe ti Pake legeoko na azo so angba na kodro, ala so azia lani lege ti sarango ye ti akotara ti amara nde ti sese ni so aga *sioni so. Azo ni abongbi oko na a-ita ti ala, atanga ti azuife ti voro *KOTA GBIA Nzapa ti Israel.

Esdras 9:1

Na peko ti aye so, amakonzi ti azo ti Israel aga atene na mbi: “Ataa asenge zo, ataa awayango-sandaga, ataa azo ti mara ti Lévi, mbeni zo so aduti nde na azo ti ambeni mara ayeke daa pepe. Ala sara gi asioni ye so zo alingbi ti baa na le ti lo fani use pepe; asioni ye so azo ti Kanaan, azo ti mara ti Het, ti Perizi, ti Yebus, ti Amon, ti Moab, ti Ezipte na ti Amori asara.

Esdras 9:15

KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Esdras 9:2

Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Néhémie 10:28

Maluk, Harim na Baana.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Néhémie 13:3

So azo ti Israel ama tënë ti ndia so awe, ala tumba azo ti amara nde nde so kue ayeke na ya ti bongbi ti ala.

Néhémie 13:30

Fade mbi yeke zi azo ni na ya ti asioni ye ti awande kue. Mbi yeke kiri ti fa lege ti kua ti awayango-sandaga na ti azo ti mara ti Lévi.

Abia (Psaumes) 144:11

Soo mbi, zi mbi na maboko ti awande! Atënë ti yanga ti ala gi mvene si ala yeke yoro maboko ti ala ti koli na nduzu ti deba yanga ti ala, me ala yeke sara ye alingbi na ni pepe.

Abia (Psaumes) 144:7

So mo ngba na nduzu kâ, yoro maboko ti mo, mo soo mbi; zi mbi na ya ti kota ngu, zi mbi na maboko ti awande.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 2:6

*KOTA GBIA, mo ke azo ti mo, *ahale ti Jacob awe, ngbanga ti so azo ti bango nda ti aye alondo na mbage ti To aga, ala si singo na ya ti kodro ti azo ti mo. Azo ti gingo nda ti atongoro asi singo daa, tongana ti so ala yeke gbani gbani na ya ti kodro ti Filistii. Azo ti mo na awande ayeke fono oko.

Jérémie 14:20

KOTA GBIA, e hinga so e sara sioni; e hinga so akotara asara sioni. Biani, e sara siokpari so ake mo.

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Daniel 9:20

“Mbi ngba ti tene tënë, ti sambela si ti fa siokpari ti mbi na ti azo ti mbi so ayeke azo ti Israel; mbi ngba ti voro tere ti mbi na KOTA GBIA Nzapa ti mbi ndali ti hoto ti lo so ayeke nde si ayeke nzoni kue.

Osée 5:7

Ala ka KOTA GBIA, ngbanga ti so ala du amolenge so a hinga babâ ti ala pepe. Fadeso, gi na ya ti nze oko, a yeke hunzi ala kue nga na amosoro ti ala.”