Néhémie 9:17 - Mbeti ti Nzapa - Tënë so amu fini

¹⁷ Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Néhémie 9:17 ပူးပေါင်းရင်းမြစ်များ

1 Agbia 6:13

Fade mbi yeke duti na ya ti kota da so na popo ti azo ti Israel si mbi yeke zia azo ti Israel pepe so ayeke azo ti mbi.”

1 Agbia 8:57

Fadeso, ayeke nzoni KOTA GBIA, Nzapa ti e aduti na e tongana ti so lo duti ando na akotara ti e! Ayeke nzoni lo zia e pepe, lo girisa e pepe.

2 Mbai 36:13

Lo tomboka na tere ti gbia Nabukodonosor so asara si Sedesias adeba yanga ti lo na iri ti Nzapa. Lo sara ngangu li, lo kpengba be ti lo, lo ke ti kiri na mbage ti KOTA GBIA, Nzapa ti Israel.

Esdras 9:9

Biani, e yeke ando angbaa, me mo Nzapa ti e, mo zia e na ya ti ngbaa ni pepe. Mo sara si agbia ti Perse asara nzoni be na e; ala kiri fini na e si e lingbi ti leke kota da ti mo nga na agbagba ni so a kungbi ando na sese; e wara ndo so e lingbi ti duti daa na Jérusalem nga na sese ti Juda si sioni ye asi na e pepe.

Néhémie 9:31

Me na lege ti kota nzoni be ti mo, mo fâ ala kue ti hunzi ala pepe, mo zia ala pepe, ngbanga ti so mo yeke Nzapa so ayeke sara nzoni be na zo si ayeke baa mawa ti zo.

Abia (Psaumes) 106:13

Me gi hio tongaso, ala girisa aye so lo sara, ye so lo leke na be ti lo ti sara, ala ku ni pepe.

Abia (Psaumes) 106:7

Na ndembe so akotara ti e ayeke na Ezipte, mo sara aye ti kpene, me ala manda ye na lege ni oko pepe; ala girisa gba ti anzoni ye so mo sara, ala tomboka na tere ti mo na tere ti kota ngu-ingo ti Asosongo.

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Abia (Psaumes) 78:10

ngbanga ti so ala bata tënë ti mbuki ti Nzapa pepe, ala ke ti sara ye alingbi na *Ndia ti lo.

Abia (Psaumes) 78:11

Ala girisa akota ye so lo sara, nga na aye ti kpene so lo fa na ala.

Abia (Psaumes) 78:38

Me lo, lo yeke baa mawa ti zo, lo yeke zi sioni na li ti ala, lo yeke fâ ala pepe. Fani mingi, lo kanga lege na ngonzo ti lo, lo sara si sioni ngonzo ti lo alondo pepe.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Sigingo 32:9

KOTA GBIA atene na Moïse: Biani, mbi baa azo so awe; ala yeke azo ti ngangu li!

Amato 1:24

Mbi iri ala, me ala ke. Mbi yoro maboko ti mbi na ala, me zo oko abaa ndo daa pepe.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 19:15

“Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Akpale so kue mbi tene tënë ni so, fade mbi yeke sara si ati na ndö ti gbata so nga na ndö ti akete kodro so kue ayeke na tere ni. Biani, azo ti gbata ni asara ngangu li si ala ke ti ma tënë ti mbi.’ ”

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Ezekiel 5:6

Me azo ti gbata ni ake ti sara ye alingbi na atënë ti ndia ti mbi nga na aye so mbi fa. Ala kiri asara aye ti sioni ahon azo ti amara nde nga na azo ti akodro so angoro ala. Biani, ala bi atënë ti ndia ti mbi na ngonda, ala sara ye alingbi na aye so mbi fa pepe.

Daniel 9:9

KOTA GBIA Nzapa ti e, ataa so e sara ngangu li na mo, me ndali ti nzoni be ti mo, mo yeke zi siokpari na li ti e.

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Awayango-sandaga 26:44

Me ataa so kue, tongana ala yeke na kodro ti awato ti ala, mbi yeke ke ala biani biani pepe, be ti mbi ayeke ke ala pepe, mbi yeke hunzi ala pepe, mbi yeke buba tënë ti ya ti mbuki na ala pepe. Biani, mbi laa mbi yeke KOTA GBIA, Nzapa ti ala.

Nahum 1:3

KOTA GBIA ayeke sara ngonzo hio hio pepe, lo yeke ngangu mingi. Me zo so asara siokpari, lo yeke zia lo senge pepe. Lo yeke tambula na ya ti kota pupu so ayeke ya ngangu, lo yeke tambula nga na ya ti ngu-Nzapa so ayeke pika mingi mingi so. Ambinda ayeke tongana fuku ti sese, fuku ti sese so ayeke londo na peko ti gere ti lo.

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 14:41

Moïse atene: “Nyen laa ala yeke sara so? Ala yeke ke yanga ti KOTA GBIA ngbanga ti nyen? Fade ye ni ayeke ga nzoni na ala pepe!

Wungo ti azo 16:14

Kodro so ngu ti me ti bagara na mafuta ti wotoro asi singo daa laa mo ga na e daa so biani pepe! Ayaka na ayaka ti *vinye so mo tene tënë ti mungo ni na e so ayeke na ndo wa? Mo baa ti mo, mo tene e yeke awaziba? E yeke gue pepe!”

Awatokua 7:39

Me akotara ti e ake ti ma yanga ti lo, ala ke lo si ala ye ti kiri na Ezipte.

Rome 9:15

Biani, Nzapa atene na Moïse: “Fade mbi yeke baa mawa ti zo so mbi ye ti baa mawa ti lo, mbi yeke sara nzoni be na zo so mbi ye ti sara nzoni be na lo.”

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

1 Samuel 12:22

Biani, ndali ti kota iri ti lo, KOTA GBIA ayeke zia azo ti lo pepe, ngbanga ti so lo ye ti mu ala ti ga azo ti lo.