Néhémie 9:14 - Mbeti ti Nzapa - Tënë so amu fini

¹⁴ Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Néhémie 9:14 ပူးပေါင်းရင်းမြစ်များ

Tongo nda ti aye 2:3

Nzapa asara tufa na ndö ti lango mbarambara ni si lo zia ni nde ndali ti lo, ngbanga ti so na lango so laa lo wu tere ti lo na peko ti kua so kue lo wani, lo sara.

Néhémie 1:8

Mbi gbu gere ti mo, ayeke nzoni mo dabe ti mo na tënë ti mo so mo zia na yanga ti Moïse ti tene na e, mo tene: ‘Tongana ala ke ti zia be ti ala na ndö ti mbi, fade mbi yeke kangbi ala na popo ti amara nde.

Néhémie 10:32

Na *lango ti wungo tere, wala na mbeni lango ti matanga, tongana azo so aga na *ble, wala na akungba nde ti kango ni, fade e yeke vo ni na maboko ti ala pepe. Lakue na peko ti ngu mbarambara, fade e yeke zia sese awu tere, e yeke zi ayongo kue na li ti azo.

Sigingo 16:23

Moïse atene na ala: “Yanga so KOTA GBIA amu laa: Kekereke ayeke *lango ti wungo tere, lango ti wungo tere so a zia ni nde ndali ti KOTA GBIA. Ye so ala ye ti zö, ala zö ni; ye so ala ye ti to, ala to ni. Tanga ti kobe ni, ala bata ndali ti kekereke na ndaperere.”

Sigingo 16:29

Alingbi ala hinga so: mbi KOTA GBIA, mbi mu na ala lango ti wungo tere. Ndani laa na lango omene ni, mbi mu nga na ala mapa ti lango use. Na lango mbarambara ni, ayeke nzoni zo oko oko angba na ndo ti lo; zo oko asigigi pepe.”

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Ezekiel 20:11

Mbi mu na ala andia ti mbi, mbi sara si ala hinga lege ti sarango ye so mbi fa; zo so asara ye alingbi na ni, lo yeke duti na fini.

Ezekiel 20:12

Mbi mu nga na ala *lango ti wungo tere ti ga mbeni ye ti fa atene, songo ayeke na popo ti mbi na ala si ala hinga atene, mbi laa mbi yeke KOTA GBIA so mbi zia ala nde ndali ti mbi.

Ezekiel 20:20

Ala zia *lango ti wungo tere nde ndali ti mbi; lango ni afa songo so ayeke na popo ti mbi na ala, tongaso si ala hinga atene, mbi laa mbi yeke KOTA GBIA, Nzapa ti ala.’

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Awayango-sandaga 27:34

So ayeke atënë ti ndia so KOTA GBIA amu na Moïse ndali ti azo ti Israel na li ti hoto ti Sinai laa.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Ndia ti fani use ni 4:45

Na peko ti so ala sigigi na sese ti Ezipte, Moïse afa na ala akpengba ndia, andia nga na atënë ti ndia.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”