Néhémie 9:13 - Mbeti ti Nzapa - Tënë so amu fini

¹³ Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Néhémie 9:13 ပူးပေါင်းရင်းမြစ်များ

2 Agbia 17:37

Fade ala sara ye alingbi na atënë ti yanga ti lo, ambela ti lo, atënë ti ndia nga na andia so lo su na mbeti ndali ti ala; ala sara ye alingbi na ni lakue. Ala voro ambeni nzapa nde pepe.

Abia (Psaumes) 119:137

KOTA GBIA, mo yeke mbirimbiri, atënë ti fango ngbanga ti mo ayeke na legeni.

Abia (Psaumes) 119:160

Tënë ti mo na ngbongboro ni kue ayeke taa-tënë, atënë ti fango ngbanga ti mo kue ayeke mbirimbiri si angba lakue lakue.

Abia (Psaumes) 119:4

KOTA GBIA, mo laa mo mu andia ti mo na azo titene ala bata ni nzoni.

Sigingo 16:23

Moïse atene na ala: “Yanga so KOTA GBIA amu laa: Kekereke ayeke *lango ti wungo tere, lango ti wungo tere so a zia ni nde ndali ti KOTA GBIA. Ye so ala ye ti zö, ala zö ni; ye so ala ye ti to, ala to ni. Tanga ti kobe ni, ala bata ndali ti kekereke na ndaperere.”

Sigingo 19:11

Ayeke nzoni ala leke tere ti ala ndali ti ota lango ni. Biani, na ota lango ni laa mbi yeke zu na ndö ti hoto ti Sinai na le ti azo kue.

Sigingo 20:1

Tongaso Nzapa atene atënë so kue, atene:

Sigingo 20:22

KOTA GBIA atene na Moïse: “Tënë so mo yeke tene ande na azo ti Israel ayeke so: ‘Ala wani abaa na le ti ala: mbi ngba na yayu kâ laa mbi tene tënë na ala.

Ésaïe 64:1

ka mo yeke ga tongana wâ so ayeke gbi akete keke so ahole, tongana wâ so ayeke sara si ngu akporo; ka mo sara si awato ti mo ahinga mo; na dawa ti mo, ka tere ti amara nde ado!

Ésaïe 64:3

Mara ti ye so mo sara ndali ti azo so azia be ti ala na ndö ti mo, mbeni nzapa nde asara ni laoko pepe, me gi mo oko. Zo oko ama tënë ni laoko pepe, zo oko ahinga tënë ni laoko pepe, zo oko abaa ni laoko pepe.

Habakuk 3:3

Nzapa alondo na Teman si ayeke ga; lo so lo yeke nde si lo yeke nzoni kue so, lo londo na ahoto ti Paran si lo yeke ga. Luti kete Nengo ti lo ti gbia amu ya ti yayu kue, sese asi singo na tënë ti sepelango lo.

Rome 7:16

Tongana mbi sara ye so mbi ye pepe, andaa mbi yeda na Ndia si mbi yeda nga so Ndia ayeke nzoni ye.

Ndia ti fani use ni 33:2

Lo tene: “*KOTA GBIA alondo na hoto ti Sinai si aga. Tongana ti so lâ ayeke sigigi, lo sigigi ndali ti azo ti lo na sese ti Seir kâ. So lo ngba kâ na hoto ti Paran, lo su na ndö ti azo ti lo. *A-ange gbani gbani amu peko ti lo si lo na ala aga; lo gbu na ya ti maboko ti lo ti koli ndia so ayeke za tongana menga ti wâ.

Ndia ti fani use ni 4:33

Mbeni mara ama go ti mbeni nzapa so atene tënë na ya ti wâ si mara ni angba na fini, tongana ti so asi na ala so?

Ndia ti fani use ni 4:36

Ala ma go ti lo so alondo kâ na yayu ti fa na ala lege ti mango yanga. Na ndö ti sese, lo sara si ala baa kota wâ ti lo; lo tene tënë na ala na ya ti wâ ni.

Ndia ti fani use ni 4:8

Aye so ndia afa nga na atënë ti ndia so mbi zia na gbe ti ala laso ayeke mbirimbiri. Mbeni kota mara nde ayeke daa so aye so ndia ti lo afa nga na atënë ti ndia ti lo ayeke mbirimbiri tongana ti e so?

Ndia ti fani use ni 5:4

Na li ti hoto, KOTA GBIA atene tënë na ala le na le, na ya ti wâ.