Néhémie 9:1 - Mbeti ti Nzapa - Tënë so amu fini

¹ Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Néhémie 9:1 ပူးပေါင်းရင်းမြစ်များ

2 Samuel 1:2

Na ota lango ni, mbeni koli alondo na ya ti bâbâ ti Saul asi. Bongo ti lo asuru surungo, ya ti li ti lo kue gi na sese ti fa vundu ti be ti lo. So lo si nduru na David awe, lo kuku, lo kpo li ti lo na sese.

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 7:10

Na pekoni, na lango baleuse na ota ti nze mbarambara ni, gbia azia lege na azo ti kiri na da ti ala. Na kiringo ti ala, tere ti ala anzere, be ti ala gi na ngia ndali ti nzoni so KOTA GBIA asara lani na David, na Salomon nga na azo ti Israel, azo ti lo.

Esdras 8:21

Kâ na tere ti ngu ti Ahava, mbi mu yanga titene e ke kobe, e sara tere ti e kete na gbe ti Nzapa. Tongaso si e, na asewa ti e, e hunda na lo ti sara si tambula ti e ague nzoni si ye asara akungba ti e pepe.

Esdras 8:23

Ndani laa e ke kobe, e hunda na Nzapa ti e ti bata e; tongaso lo ma sambela ti e.

Néhémie 8:2

Wayango-sandaga Esdras aga na mbeti ti Ndia ni na gbe ti bongbi ti azo ni. Akoli, awali na azo so kue alingbi ti ma ya ti mbeni tënë nzoni, abongbi na ndo so. Ye ni ayeke na kozo lango ti nze mbarambara ni.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Esther 4:3

Andaa na ya ti kodro-sese oko oko so kue atënë ti ndia na mbela ni asi daa, azuife kue ayeke na ya ti kota mawa: ala ke kobe si gi toto na toto, demango tere na demango tere; ambeni mingi na popo ti ala ayu gi bongo ti mua si ala yeke lango na ya ti mburu ti wâ.

Mbeti ti Job 2:12

So ala ngba yongoro, ala baa Job, me ala hinga lo pepe. Tongaso ala yoro yanga ti ala na kota toto. Zo oko oko asuru kota bongo ti lo ti de, ala tuku fuku ti sese na nduzu si akiri atuku na ya ti li ti ala.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Awayango-sandaga 23:34

Tene na azo ti Israel, mo tene: “Na lango baleoko na oku ti nze mbarambara ni, matanga ti Akpangba ayeke duti daa. Ala yeke sara matanga ni na ya ti lango mbarambara ndali ti mbi KOTA GBIA.

Awayango-sandaga 23:39

“Na lango baleoko na oku ti nze mbarambara ni, na peko ti so ala fâ ale ti kobe ti yaka ti ala awe, fade ala yeke sara matanga na ya ti lango mbarambara ndali ti mbi KOTA GBIA. Kozo lango ni na lango miombe ni ayeke duti alango ti wungo tere.

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

1 Samuel 4:12

Gi na lango ni so, mbeni koli ti mara ti Benjamin alondo na yanga ti bira kâ, akpe asi na Silo, lo suru bongo na tere ti lo kue; lo tuku fuku ti sese na ya ti li ti lo.

1 Samuel 7:6

Azo ti Israel abongbi na Mispa. Ala to ngu si ala tuku ni na sese na dawa ti KOTA GBIA. Na lango ni so, ala ke ti te kobe si ala tene: e sara siokpari so ake KOTA GBIA. Kâ na Mispa laa, Samuel asara kua ti wayango-sandaga na popo ti azo ti Israel.