Néhémie 8:9 - Mbeti ti Nzapa - Tënë so amu fini

⁹ So azo ni ama atënë ti ya ti mbeti ti Ndia ni, ala ti na toto. Ndani laa govoronere Néhémie, lo na wayango-sandaga Esdras, so lo yeke nga wafango-ndia, ala na azo ti mara ti Lévi so ayeke fa nda ti Ndia ni, atene na azo ni, atene: “Lango so ayeke lango so a zia ni nde ndali ti KOTA GBIA, Nzapa ti ala. Ngoi titene ala duti na mawa si ala toto laa pepe!”

Néhémie 8:9 ပူးပေါင်းရင်းမြစ်များ

2 Agbia 22:11

So gbia ama atënë ti ya ti mbeti ti *Ndia ni, lo suru bongo na tere ti lo ti fa kota mbeto ti be ti lo.

2 Agbia 22:19

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti KOTA GBIA. Fade gbata so ayeke ga ngonda si ayeke ga ye so a deba ni awe. Na mango tënë so mbi tene, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

2 Mbai 15:3

Aninga mingi so azo ti Israel ayeke na taa Nzapa pepe, ala yeke na wayango-sandaga pepe ti fa ye na ala, *Ndia ayeke daa pepe.

2 Mbai 30:22

Ezekias atene tënë ti mu ngangu na be ti azo ti mara ti Lévi so kue kua ti KOTA GBIA agbu be ti ala. Na ya ti lango mbarambara kue, ala te kobe ti matanga ni, ala mu asandaga ti beoko si ala he bia ti sepela KOTA GBIA, Nzapa ti akotara ti ala.

2 Mbai 34:19

So gbia ama atënë ti ya ti mbeti ti *Ndia ni, lo suru bongo na tere ti lo ti fa kota mbeto ti be ti lo.

2 Mbai 34:21

“Ala gue, ahunda *KOTA GBIA ndali ti mbi, ndali ti tanga ti azo ti Israel nga ndali ti azo ti Juda, ndali ti atënë ti ya ti mbeti so a wara so. Biani, KOTA GBIA asara ngonzo mingi si ngonzo ni atuku na ndö ti e, ngbanga ti so akotara ti e abata tënë ti lo pepe, ala sara ye pepe alingbi na atënë so a su na ya ti mbeti so.”

2 Mbai 35:3

Na pekoni, lo tene na azo ti mara ti Lévi so a zia ala nde ndali ti KOTA GBIA si ala yeke fa ye na azo ti Israel, lo tene: “Sanduku ti *mbuki so ayeke nde si ayeke nzoni kue so, ala zia ni na ya ti kota da ti Nzapa, da so Salomon, molenge ti David, gbia ti Israel asara ando so; fade ala yeke kiri ti yo ni na ndö ti go ti ala pepe. Fadeso ala sara kua na KOTA GBIA, Nzapa ti ala, ala sara nga kua na azo ti Israel, azo ti lo.

Esdras 2:63

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Esdras 7:11

Esdras ayeke kota wafango-ndia so ahinga andia na atënë ti ndia so *KOTA GBIA amu na azo ti Israel. Tënë ti ya ti mbeti so gbia Artakzerses amu na Esdras ayeke so:

Néhémie 10:1

Ndali ti aye so kue asi na e, e azo ti Israel, e bongbi yanga ti e oko, e ma tere; e su tënë ni na mbeti. Amakonzi ti e, azo ti e so ayeke azo ti mara ti Lévi, awayango-sandaga ti e asu maboko ti ala na gbe ti mbeti so a kpo nzoroko daa so.

Néhémie 12:26

Ala sara lani kua ti ala na ngoi ti Yoyakim, molenge ti Yeshua; Yeshua ayeke molenge ti Yosadak. Ala sara nga kua ni na ngoi ti govoronere Néhémie, nga na ngoi ti Esdras, wayango-sandaga so lo yeke nga wafango-ndia.

Néhémie 7:65

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Néhémie 7:70

Amakonzi ti asewa amu ale ti lôro kue 20 000 na kilo ti wen ti nginza 1 100.

Néhémie 8:2

Wayango-sandaga Esdras aga na mbeti ti Ndia ni na gbe ti bongbi ti azo ni. Akoli, awali na azo so kue alingbi ti ma ya ti mbeni tënë nzoni, abongbi na ndo so. Ye ni ayeke na kozo lango ti nze mbarambara ni.

Zo ti bongbingo azo 3:4

Ngoi ti toto ayeke daa, ngoi ti hengo ngia ayeke daa; ngoi ti demango tere ayeke daa, ngoi ti dodo ayeke daa.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Awayango-sandaga 23:24

ti tene na azo ti Israel, atene: “Kozo lango ti nze mbarambara ni ayeke *lango ti wungo tere, lango ti dango be na ti dekongo na ngia. Ala yeke bongbi ti voro mbi.

Malashii 2:13

Mbeni use ye so ala yeke sara ni ayeke so: ala sara si ngu ti le ti ala amu ndö ti gbalaka ti KOTA GBIA kue. Ala yeke dema tere ti ala si ala yeke toto, ngbanga ti so aye so ala yeke mu na KOTA GBIA so, lo kiri lo baa ni na nzoni le pepe, lo kiri lo yamba ni na nzoni be pepe.

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 7:9

Ando, so mbi de ti hinga Ndia pepe, mbi yeke na fini; me so mbi hinga tënë ti ndia awe, siokpari awara lege ti duti na fini

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Ndia ti fani use ni 12:7

Kâ na ya ti da ti KOTA GBIA Nzapa ti ala laa ala yeke te ande kobe ti amatanga, ala na asewa ti ala; be ti ala ayeke si singo na ngia ndali ti anzoni ye so ala wara na lege ti akua so kue ala sara, ngbanga ti so fade KOTA GBIA Nzapa ti ala ayeke sara tufa na ndö ti ala.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Ndia ti fani use ni 26:14

Na ngoi so mbi yeke na mua, mbi te mbeni ye na ya ti dime ni oko pepe; na ngoi so mbi ga *sioni, mbi zi mbeni ye oko daa pepe, mbi mu mbeni ye oko na kuâ pepe. Mbi ma yanga ti mo, KOTA GBIA Nzapa ti mbi; mbi sara ye kue alingbi na yanga so mo mu na mbi.

Jacques 4:9

Ala duti na vundu, ala dema tere ti ala, ala toto maa! Ala zia ti he ngia si ala toto, ala zia lege ti ngia si ala duti na vundu!