Néhémie 8:6 - Mbeti ti Nzapa - Tënë so amu fini

⁶ Esdras amu singila na KOTA GBIA, lo so lo yeke kota Nzapa. Azo kue ayo maboko ti ala na nduzu si ala tene: “Amen, Amen!” Na pekoni, ala kuku, akpo li ti ala na sese ti voro KOTA GBIA.

Néhémie 8:6 ပူးပေါင်းရင်းမြစ်များ

Tongo nda ti aye 14:22

Abram akiri tënë na lo, atene: “Baa, maboko ti mbi so mbi yeke yoro na mbage ti KOTA GBIA, Nzapa so ayeke na yayu kâ na ndö ti aye kue, lo so lo sara yayu na sese so.

Tongo nda ti aye 24:26

Koli ni akuku akpo li ti lo na sese si lo voro KOTA GBIA,

1 Mbai 16:36

Singila na KOTA GBIA, Nzapa ti Israel ngbene ye lakue lakue, kpu na kpu! Nilaa azo kue atene: “Amen! Aleluya!”

1 Mbai 29:10

David amu singila na *KOTA GBIA na dawa ti bongbi ti azo ni kue, lo tene: “Singila na KOTA GBIA, Nzapa ti kotara ti e Jacob, ngbene ye kpu na kpu, lakue lakue!

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:18

Yosafat akuku, akpo li ti lo na sese. Azo ti Jérusalem kue na azo ti Juda akuku nga na sese na dawa ti KOTA GBIA ti voro lo.

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

2 Mbai 6:4

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

Néhémie 5:13

Na pekoni, mbi yingi yanga ti kota bongo ti mbi si mbi tene: “Zo so kue ayeke sara ye alingbi na tënë ti yanga ti lo pepe, ayeke nzoni Nzapa ayingi lo legeoko tongaso. Ayeke nzoni Nzapa azi lo na ya ti da ti lo nga amosoro ti zo ni!” – Bongbi ti azo ni kue atene: “Amen! Ayeke nzoni ye ni aduti tongaso!” Ala kue asepela *KOTA GBIA si na pekoni, ala sara ye alingbi na tënë ti yanga ti ala.

Néhémie 8:7

Na pekoni, ala londo, ala ngba na nduzu si azo ti mara ti Lévi Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan na Pelaya ato nda ti fa nda ti Ndia na ala.

Abia (Psaumes) 134:2

Ala yoro maboko ti ala na mbage ti da ti KOTA GBIA, da ti lo so ayeke nde si ayeke nzoni kue; ala mu singila na lo!

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 28:2

Ayeke nzoni mo ma toto ti mbi, tongana mbi iri mo ti mu maboko na mbi, tongana mbi yo maboko ti mbi na nduzu na mbage ti ndo ti mo so ayeke nde si ayeke nzoni kue ahon atanga ni.

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Abia (Psaumes) 63:4

Biani, nzoni be ti mo ayeke nzoni ahon fini ti zo; fade mbi yeke he bia ti sepela mo.

Abia (Psaumes) 95:3

ngbanga ti so KOTA GBIA ayeke kota Nzapa, lo yeke kota Gbia so ayeke na ndö ti anzapa kue.

Sigingo 12:27

Fade ala kiri tënë na ala, atene: ‘So ayeke *sandaga ti Pake ndali ti KOTA GBIA laa. Na ndembe so azo ti Israel ayeke lani na Ezipte, KOTA GBIA asara ye ti ngangu na kodro ni, me lo hon hongo na ndö ti ada ti e, lo luti pepe; lo bata asewa ti e.’ ” Tongaso azo ti Israel akuku akpo li ti ala na sese ti voro KOTA GBIA.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Jérémie 28:6

lo tene: “Amen! Ayeke nzoni KOTA GBIA asara tongana ti so mo tene so! Ayeke nzoni KOTA GBIA asara ye alingbi gi na atënë so mo fa peko ni so: akungba ti ya ti kota da ti Nzapa na azo so kue a gbu ala si a gue na ala na Babilone, ayeke nzoni a kiri na ala na ndo so.

Abia ti demango tere 3:41

E sambela na be ti e kue, e yoro maboko ti e na nduzu na Nzapa so ayeke na yayu kâ.

Awayango-sandaga 9:24

Mbeni wâ asigigi na dawa ti KOTA GBIA si agbi sandaga so a yeke gbi ni kue na wâ nga na akasa ti mafuta so ayeke na ndö ti gbalaka ni. Azo kue abaa ni, ala dekongo na ngia si ala ti akpo li ti ala na sese.

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

Aye so Nzapa afa 7:11

*A-ange so kue angoro mbata ti gbia ni, na *akangba ni na aye osio so ayeke na fini, ala kue akuku, akpo li ti ala na sese si ala voro Nzapa.