Néhémie 8:17 - Mbeti ti Nzapa - Tënë so amu fini

¹⁷ Azo so kue abongbi kâ, ala so alondo na kodro wande, na ndo so a gbu ala lani si a gue na ala daa si ala kiri so, ala sara akpangba si aduti na gbe ni. So ayeke ngoi so azo asara ngia mingi, ngbanga ti so, ti londo na ngoi ti Josué, molenge ti Nune, ngbii asi na lango so, azo ti Israel akiri asara matanga ti Akpangba pepe.

Néhémie 8:17 ပူးပေါင်းရင်းမြစ်များ

1 Mbai 29:22

Na lango ni so, na ngia na be, ala te, ala nyon na dawa ti KOTA GBIA. Ti fani use ni, ala zia Salomon, molenge ti David, gbia. Ala tuku mafuta na li ti lo ti ga makonzi ndali ti KOTA GBIA si ala tuku mafuta nga na li ti Sadok titene lo ga kota wayango-sandaga.

2 Mbai 30:26

Ngia ti azo ti Jérusalem ahon ndoni, ngbanga ti so ngbene ye na ngoi ti Salomon, molenge ti David, gbia ti Israel, ade ti sara mbeni matanga tongaso na Jérusalem pepe.

2 Mbai 35:18

Ti londo na ngoi ti wayanga-Nzapa Samuel, a de a sara mara ti matanga ti Pake tongaso na Israel pepe; mbeni gbia ti Israel oko asara mara ti matanga ti Pake tongaso pepe tongana ti so Yosias, awayango-sandaga, azo ti mara ti Lévi, azo ti Juda kue nga na azo ti Israel so ayeke kâ, ala na azo ti Jérusalem asara.

2 Mbai 8:13

Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

Esdras 3:4

Azo ti Israel asara matanga ti Akpangba, alingbi na tënë so a su na mbeti. Na ya ti lango oko oko, ala ya na Nzapa asandaga so a yeke gbi ni kue na wâ, alingbi na wungo ni so ndia afa.

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Ndia ti fani use ni 16:15

Na ya ti lango mbarambara kue, ala yeke sara matanga ni ndali ti *KOTA GBIA Nzapa ti ala, na ndo so lo yeke soro ti duti daa. Ala yeke sara ngia na be ti ala kue, ngbanga ti so KOTA GBIA Nzapa ti ala ayeke sara tufa na ndö ti ala na ya ti akua so kue ala yeke sara; lo yeke sara si akobe ti yaka ti ala ale mingi.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 11:9

Na lege ti mabe, lo gue, lo duti tongana wande na kodro so Nzapa amu zendo ni na lo. Lo lango na ya ti da ti bongo, lo na Isaac na Jacob, ala so Nzapa amu zendo na ala titene kodro ni aga ti ala.

Ahebro 4:8

Tongana Josué asi lani na azo ti Israel na ndo ti wungo tere ni so biani, ka Nzapa akiri atene tënë ti mbeni lango nde na pekoni pepe.

Josué 1:1

Na peko ti kuâ ti Moïse, zo ti kua ti *KOTA GBIA, KOTA GBIA atene na Josué, molenge ti Nune so lo yeke sara kua na tere ti Moïse, atene: