Néhémie 8:16 - Mbeti ti Nzapa - Tënë so amu fini

¹⁶ Tongaso azo ti Israel ague, afâ amaboko ti keke ti sara na akpangba. Ambeni asara ti ala kpangba ni na li ti ada ti ala, ambeni na ya ti gbagba ti ala wani, ambeni na ya ti gbagba ti kota da ti Nzapa, ambeni na kota ndo so ayeke na yanga ti gbagba so iri ni Ti-ngu si ambeni na kota ndo so ayeke na yanga ti gbagba so iri ni Ti-Efraim.

Néhémie 8:16 ပူးပေါင်းရင်းမြစ်များ

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

2 Agbia 14:13

Na Bet-Shemesh, Yoas, gbia ti Israel agbu Amasia, gbia ti Juda, molenge ti Yoas, molenge ti Ahazia. Lo gue na Jérusalem si lo kungbi mbage ti gbagba ti Jérusalem nduru na metere ngbangbo use, alondo na yanga ti gbagba so iri ni Ti-Efraim ngbii asi na mbeni yanga ni so iri ni Ti-Ndangoro.

2 Mbai 20:5

Yosafat aluti na ya ti bongbi ti azo ti Juda na ti azo ti Jérusalem, na ndo so abaa le na fini gbagba ti kota da ti KOTA GBIA.

2 Mbai 33:5

Lo leke agbalaka na ya ti agbagba use ti kota da ti KOTA GBIA ndali ti aye mingi mingi so ayeke na le ti nduzu.

Néhémie 12:37

So ala si na yanga ti gbagba so iri ni Ti-ngu awe, andaa ala si na Gbata ti David. Ala ma eskalie ti gbata ni si ala ko na ndö ti gbagba ni so ayeke na nduzu ahon yangbo ti David. Na pekoni, ala gue ngbii ala si na yanga ti gbagba so iri ni Ngu, na mbage ti To ti gbata ni.

Néhémie 12:39

E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

Néhémie 3:26

lo na azo ti kua ti kota da ti Nzapa so ayeke lango na vaka ti Ofel ayeke leke ti ala gbagba ni ti gue na ni ngbii ti si na yanga ti gbagba so iri ni Ti-ngu, na mbage ti To nga ti si na da so ayo na nduzu si asigigi na tere ti gbagba ni.

Néhémie 8:1

Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.

Néhémie 8:3

Ti londo na kota ndaperere ngbii asi na bekombite, Esdras aluti na kota le ti kodro so abaa le na yanga ti gbagba so iri ni Ti-ngu; lo diko mbeti ti Ndia ni na akoli, na awali nga na azo so kue alingbi ti ma ya ni. Azo ni kue aduti kpoo ti ma tënë ti Ndia so a yeke diko ni so.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Jérémie 32:29

Azo ti Babilone angba ti tiri bira ti mu gbata ni; fade ala yeke li na ya ni, ala yeke bi wâ daa; ala yeke gbi ada so azo ayeke zö dukani na li ni na *Baal titene ala gi na yanga ti mbi. Azo ni ayeke tuku samba ti mu na *sandaga na anzapa nde na ya ti ada ni.

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.