Néhémie 8:12 - Mbeti ti Nzapa - Tënë so amu fini

¹² Tongaso azo ni kue akiri na ndo ti ala titene ala te, ala nyon. Ala tokua ambeni kobe na azo so ayeke na ye pepe, ala sara ngia ahon ndoni, ngbanga ti so ala ma nda ti atënë so a diko na ala.

Néhémie 8:12 ပူးပေါင်းရင်းမြစ်များ

1 Mbai 29:22

Na lango ni so, na ngia na be, ala te, ala nyon na dawa ti KOTA GBIA. Ti fani use ni, ala zia Salomon, molenge ti David, gbia. Ala tuku mafuta na li ti lo ti ga makonzi ndali ti KOTA GBIA si ala tuku mafuta nga na li ti Sadok titene lo ga kota wayango-sandaga.

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Néhémie 8:11

Azo ti mara ti Lévi ayeke sara nga titene be ti azo ni ade; ala tene: “Ala kai-oo! Lango so ayeke lango so a zia ni nde ndali ti KOTA GBIA. Ala sara vundu pepe!”

Néhémie 8:13

Lango oko na pekoni, amakonzi ti asewa ti azuife, awayango-sandaga nga na azo ti mara ti Lévi abongbi na tere ti wafango-ndia Esdras ti manda atënë ti *Ndia nzoni.

Esther 9:22

Na ya ti alango ni so laa azuife awara lege ti wu pupu na maboko ti awato ti ala; na ya ti nze so laa vundu ti ala aga ngia si mawa ti ala aga lango ti matanga. Alango ni so aga alango so ala yeke sara matanga ti tengo kobe, ala yeke sara ngia; ala yeke tokua kobe na amba ti ala na popo ti ala si ala yeke mu aye na azo ti mawa.

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Abia (Psaumes) 119:127

Mbi ye atënë ti ndia ti mo ahon lôro, ataa lôro ti nzoni ni.

Abia (Psaumes) 119:130

Gingo nda ti atënë ti mo ayeke zi le ti zo, ayeke sara si senge zo ahinga nda ti aye.

Abia (Psaumes) 119:14

Ngia so mbi yeke na ni tongana mbi sara aye so mo hunda na mbi ahon ngia so mbi yeke na ni tongana mbi wara gba ti mosoro.

Abia (Psaumes) 119:16

Ambela ti mo anzere na mbi mingi, fade mbi yeke girisa tënë ti mo pepe.

Abia (Psaumes) 119:171

Ayeke nzoni yanga ti mbi atene tënë ti sepelango mo, ngbanga ti so mo yeke fa na mbi ambela ti mo!

Abia (Psaumes) 119:174

KOTA GBIA, nzara ti be ti mbi ayeke titene mo soo mbi; ndia ti mo anzere na mbi mingi.

Abia (Psaumes) 119:72

Ndia so alondo na yanga ti mo ayeke nzoni na mbi ahon lôro na nginza kutu kutu.

Abia (Psaumes) 119:97

Mbi ye ndia ti mo mingi! Mbi yeke gbu li ti mbi daa lakue.

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Nzoni Tënë so Luc asu na mbeti 24:32

si ala tene na popo ti ala: “So lo yeke tene tënë na e na lege si lo yeke fa nga na e nda ti tënë ti Mbeti ti Nzapa so, be ti e ayeke kporo fade na ya ni kâ pepe?”

Rome 7:18

Mbi hinga so mbeni ye ti nzoni ayeke na ya ti mbi pepe, so ti tene na ya ti tere ti mbi ti zo. Ti be ti mbi, mbi ye ti sara nzoni ye, me mbi yeke na ngangu ti sara ni pepe.

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.