Néhémie 8:10 - Mbeti ti Nzapa - Tënë so amu fini

¹⁰ Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Néhémie 8:10 ပူးပေါင်းရင်းမြစ်များ

1 Agbia 8:66

Na ndade ni, Salomon azia lege na azo ni ti kiri na da ti ala. Ala bara gbia si ala kiri na da ti ala; tere ti ala anzere, be ti ala gi na ngia ndali ti nzoni so KOTA GBIA asara lani na David, zo ti kua ti lo, na azo ti Israel, azo ti lo.

1 Mbai 16:27

Gonda na nengo ti lo ti gbia ayeke na dawa ti lo, ngangu na kota ngia asi singo na ndo ti duti ti lo.

Néhémie 8:11

Azo ti mara ti Lévi ayeke sara nga titene be ti azo ni ade; ala tene: “Ala kai-oo! Lango so ayeke lango so a zia ni nde ndali ti KOTA GBIA. Ala sara vundu pepe!”

Néhémie 8:12

Tongaso azo ni kue akiri na ndo ti ala titene ala te, ala nyon. Ala tokua ambeni kobe na azo so ayeke na ye pepe, ala sara ngia ahon ndoni, ngbanga ti so ala ma nda ti atënë so a diko na ala.

Esther 9:19

Ndani laa azuife so ayeke lango na ya ti akete kodro ayeke sara kua na lango baleoko na osio ti nze ti Adar pepe; ala sara si lango ni so aga lango so ala yeke duti ti te, ti nyon, ti sara ngia, ti sara amatanga si ti tokua akobe na amba ti ala na popo ti ala.

Esther 9:22

Na ya ti alango ni so laa azuife awara lege ti wu pupu na maboko ti awato ti ala; na ya ti nze so laa vundu ti ala aga ngia si mawa ti ala aga lango ti matanga. Alango ni so aga alango so ala yeke sara matanga ti tengo kobe, ala yeke sara ngia; ala yeke tokua kobe na amba ti ala na popo ti ala si ala yeke mu aye na azo ti mawa.

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!

Abia (Psaumes) 89:17

Ndali ti iri ti mo, ala yeke dodo na ngia lakue; ndali ti mbirimbiri ti mo, ala yeke tambula, li ti ala na nduzu.

Amato 17:22

Be ti zo so ayeke na ngia asara si kobela ti lo akai; me be ti zo so ayeke na vundu asara si ngangu atia lo.

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Zo ti bongbingo azo 2:24

Ye ti nzoni ndali ti zo ayeke daa pepe, gi tengo ye na nyongo ye, dutingo na ngia na peko ti kua so lo sara. Mbi baa so ye so kue alondo nga na Nzapa.

Zo ti bongbingo azo 3:13

Tongana zo ate, anyon si lo duti na ngia na peko ti kua so kue lo sara, so matabisi ti Nzapa laa.

Zo ti bongbingo azo 5:18

Tongana Nzapa amu mosoro nga na aye mingi na zo si lo zia zo ni na ndö ni titene lo te, lo mu ti lo na ya ni, lo wara ngia ndali ti kua so lo baa pasi na sarango ni, so matabisi ti Nzapa laa.

Zo ti bongbingo azo 9:7

Tongaso, mo gue, mo te kobe ti mo na ngia, mo nyon vin ti mo na ngia na be ti mo, ngbanga ti so Nzapa ayeda na aye so mo sara awe.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 49:5

Me fadeso, KOTA GBIA atene tënë awe, lo so mbi de na ya ti mama ti mbi si lo leke mbi titene mbi ga zo ti kua ti lo. Lo ye titene mbi mu *ahale ti Jacob, mbi ga na ala na mbage ti lo, mbi bongbi azo ti Israel na tere ti lo. Mbi ne mingi na le ti KOTA GBIA, Nzapa ti mbi ayeke ngangu ti mbi.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Zakarii 14:21

Atawa so kue ayeke na Jérusalem na atawa so kue ayeke na Juda, fade a yeke zia ni nde ndali ti KOTA GBIA so ayeke na ndö ti dunia kue. Azo so kue ayeke ga ti ya *sandaga, ala yeke mu atawa ni ti to na anyama ti sandaga ni. Tongana lango ni so alingbi, fade a yeke kiri ti baa azo ti dengo buze na ya ti kota da ti KOTA GBIA pepe, lo so lo yeke na ndö ti dunia kue so.

Nzoni Tënë so Luc asu na mbeti 11:41

Ala mu na azo ti mawa ye so ayeke na ya ti akopo na asembe ti ala. Tongaso si aye kue ayeke ga ande *nzoni ndali ti ala.

2 Korente 8:2

A-Eglize ni ayeke na ya ti pasi mingi, me be ti azo ni asi singo na ngia; ataa so ala yeke na ya ti kota mawa, ala mu ye ahon ndoni.

Filipe 3:4

Mbi nga, mbi lingbi fade ti zia be ti mbi na ndö ti mbi wani. Tongana mbeni zo atene na be ti lo atene, ni lingbi ti zia be ti ni na ndö ti ni wani, mbi hon zo ni so mingi.

Aye so Nzapa afa 11:10

Azo ti ndö ti sese ayeke duti na ngia ndali ti kuâ ti azo use so. Ala yeke sara matanga, ala yeke mu akadoo na amba ti ala, ngbanga ti so awayanga-Nzapa use so aga na pasi mingi na ndö ti azo.

1 Samuel 25:8

Hunda azo ti kua ti mo, fade ala tene peko ni na mo. Ayeke nzoni mo baa azo ti kua ti mbi so na nzoni le, ngbanga ti so ala ga laso ge na lango ti matanga. Mbi gbu gere ti mo, ye so mo yeke na ni, mu ni na azo ti kua ti mo, mu nga ni na mbi David, zo ti kua ti mo.’ ”