Néhémie 7:70 - Mbeti ti Nzapa - Tënë so amu fini

⁷⁰ Amakonzi ti asewa amu ale ti lôro kue 20 000 na kilo ti wen ti nginza 1 100.

Néhémie 7:70 ပူးပေါင်းရင်းမြစ်များ

1 Agbia 7:45

asembe ti ziango mburu ti wâ daa, apao na adu ti sembe so a yeke tuku mene daa ti fi na tere ti aye. Aye so kue Hiram aleke ni ndali ti kota da ti KOTA GBIA; lo leke ni na peko ti yanga ti gbia Salomon. Aye ni so kue, lo leke ni na bengba wen so a kpaka tere ni nzoni.

1 Mbai 28:17

na nengo ti afurshete ti kpongo na kasa, adu ti sembe na akopo so a sara na lôro ti nzoni ni, akota sembe so a sara na lôro nga na wen ti nginza, alingbi na kua ti sembe oko oko.

2 Mbai 4:11

Huram asara adu ti sembe, apao nga na akopo. Aye so gbia Salomon amu yanga na lo ti sara ndali ti kota da ti Nzapa, Huram asara ni kue awe. Aye ni ayeke so:

2 Mbai 4:8

A sara ameza baleoko si a zia ni na ya ti kota da ti Nzapa: oku na mbage ti maboko ti koli, oku na mbage ti maboko ti wali. A sara akopo ngbangbo oko na lôro titene a zia mene daa ti fi na tere ti aye.

Néhémie 10:1

Ndali ti aye so kue asi na e, e azo ti Israel, e bongbi yanga ti e oko, e ma tere; e su tënë ni na mbeti. Amakonzi ti e, azo ti e so ayeke azo ti mara ti Lévi, awayango-sandaga ti e asu maboko ti ala na gbe ti mbeti so a kpo nzoroko daa so.

Néhémie 7:65

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Néhémie 7:69

Amakonzi mingi ti asewa amu ambeni ye ndali ti lekengo kota da ti Nzapa. Govoronere amu ale ti lôro 1 000, adu ti sembe 50 so a yeke zia mene ti anyama daa, bongo ti awayango-sandaga 530.

Néhémie 7:71

Tanga ti azo ti Israel amu ti ala ale ti lôro 20 000, kilo ti wen ti nginza 1 000 na bongo ti awayango-sandaga 67.

Néhémie 8:9

So azo ni ama atënë ti ya ti mbeti ti Ndia ni, ala ti na toto. Ndani laa govoronere Néhémie, lo na wayango-sandaga Esdras, so lo yeke nga wafango-ndia, ala na azo ti mara ti Lévi so ayeke fa nda ti Ndia ni, atene na azo ni, atene: “Lango so ayeke lango so a zia ni nde ndali ti KOTA GBIA, Nzapa ti ala. Ngoi titene ala duti na mawa si ala toto laa pepe!”

Sigingo 12:22

Fade ala yeke mu maboko ti *izope, ala yoro na ya ti mene so ayeke na ya ti kota sembe, ala kpaka na tere ti akadere ti yanga ti da ni nga na tere ti kadere ti nduzu. Na pekoni, alingbi zo oko na popo ti ala alondo na ya ti da ti lo asigigi pepe ngbii ndo ahan si.

Sigingo 24:6

Moïse amu ndambo ti mene ti anyama ni, lo zia na ya ti adu ti sembe; tanga ti mene ni, lo fi na ndö ti gbalaka ni.

Jérémie 52:19

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: akota sembe, akete ta ti zongo na dukani, adu ti sembe so a yeke tuku mene daa ti fi na tere ti aye, asembe so a yeke zia mburu ti wâ daa, agere ti lamba, akopo na adu ti sembe.