Néhémie 7:5 - Mbeti ti Nzapa - Tënë so amu fini

⁵ Nzapa ti mbi azia na be ti mbi titene mbi bongbi akota zo, amakonzi na tanga ti azo ni ti diko wungo ti ala. Azo so a alondo na ngbaa na kodro wande si ala kiri ti ala kozoni, mbi wara wungo ti ala na ya ti mbeni buku; ye so a su na ya ti buku ni ayeke so:

Néhémie 7:5 ပူးပေါင်းရင်းမြစ်များ

Esdras 2:62

Azo ni so agi mbeti so a su iri ti akotara ti ala na ya ni gbaa, ala wara ni pepe. Tongaso a baa ala tongana azo so aga *sioni awe, nilaa a tumba ala na kua ti wayango-sandaga.

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Néhémie 5:19

“Ae Nzapa ti mbi, mo dabe ti mo na ye so kue mbi sara ndali ti azo so! Mo sara nzoni be na mbi!”

Néhémie 6:14

“Nzapa ti mbi, mo dabe ti mo na ye so Tobia na Sanebalat asara, nga na Noadia, wayanga-Nzapa ti wali, lo na tanga ti awayanga-Nzapa so aye ti bi mbeto na ya ti mbi!”

Néhémie 7:4

Gbata ti Jérusalem akono mingi, me azo so ayeke lango na ya ni ayeke mingi pepe. Ade ti leke ambeni da ni pepe.

Néhémie 7:64

Azo ni so agi mbeti so a su iri ti akotara ti ala na ya ni gbaa, ala wara ni pepe. Tongaso a baa ala tongana azo so aga *sioni awe, nilaa a tumba ala na kua ti wayango-sandaga.

Amato 2:6

KOTA GBIA laa ayeke mu ndara na zo; hingango ye na hingango ndo alondo na lo.

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

2 Korente 3:5

E baa tere ti e pepe, e tene, e lingbi ti sara kua ni na ngangu ti e wani, me e lingbi ti sara kua ni na ngangu so alondo na Nzapa.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

Kolose 1:29

Ndali ni, mbi yeke sara kua si mbi yeke tiri ti hunzi kua ni na ngangu so Christ amu na mbi, ngangu so asara si mbi kpengba na ya ti kua ni.

Jacques 1:16

A-ita ti mbi so mbi ye ala mingi, ala handa tere ti ala pepe.