Néhémie 7:4 - Mbeti ti Nzapa - Tënë so amu fini

⁴ Gbata ti Jérusalem akono mingi, me azo so ayeke lango na ya ni ayeke mingi pepe. Ade ti leke ambeni da ni pepe.

Néhémie 7:4 ပူးပေါင်းရင်းမြစ်များ

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Néhémie 11:2

Azo ni asara tufa na ndö ti azo so ayeda na be ti ala wani ti lango na Jérusalem.

Néhémie 7:3

Mbi tene na ala: “Fade a yeke zi ayanga ti gbagba ti gbata ni pepe ngbii lâ asu si. Na lakui, a yeke kanga ni ngbangbangba kozoni si asanziri alondo ti gue. Fade a yeke iri ambeni zo ti Jérusalem ti luti ti bata gbagba ni; ambeni ayeke luti na ndo so a zia ala daa, ambeni ayeke luti na tere ti da ti ala.”

Néhémie 7:5

Nzapa ti mbi azia na be ti mbi titene mbi bongbi akota zo, amakonzi na tanga ti azo ni ti diko wungo ti ala. Azo so a alondo na ngbaa na kodro wande si ala kiri ti ala kozoni, mbi wara wungo ti ala na ya ti mbeni buku; ye so a su na ya ti buku ni ayeke so:

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.