Néhémie 6:9 - Mbeti ti Nzapa - Tënë so amu fini

⁹ Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Néhémie 6:9 ပူးပေါင်းရင်းမြစ်များ

2 Mbai 15:7

Me ti ala fadeso, azo ti Israel, ala gbu ngangu, be ti ala awoko pepe. Fade ala yeke wara futa ti kua ti ala.”

2 Mbai 32:18

Azo ti kua ti Senakerib adekongo ngangu na yanga ti hebro na azo ti Jérusalem so aduti na ndö ti gbagba; ala ye ti zia mbeto na be ti azo ni, ti woko be ti ala si azo ti Senakerib awara lege ti mu kodro ni.

Esdras 1:6

Azo so kue ayeke nduru na azo ti Israel amu maboko na ala na lege ti aye nde nde so a sara na wen ti nginza nga na lôro. Azo ni amu nga na ala ambeni nzoni ye, aye mingi ti ngangu ngere na anyama; na ndö ni, ala mu aye so zo amu na be ti lo wani ndali ti kota da ti KOTA GBIA.

Néhémie 6:14

“Nzapa ti mbi, mo dabe ti mo na ye so Tobia na Sanebalat asara, nga na Noadia, wayanga-Nzapa ti wali, lo na tanga ti awayanga-Nzapa so aye ti bi mbeto na ya ti mbi!”

Abia (Psaumes) 138:3

Na lango so mbi iri mo, mo yeda na mbi, mo mu ngangu na be ti mbi, mo kiri ngangu na ya ti tere ti mbi.

Abia (Psaumes) 56:3

Lakue, awato ti mbi ayeke tumba peko ti mbi; me na nduzu kâ, ala so ayeke tiri ndali ti mbi ayeke gbani gbani.

Abia (Psaumes) 68:35

Ala azo, ala fa so Nzapa ayeke ngangu, nengo ti lo ti gbia ayeke na ndö ti Israel, ngangu ti lo ayeke na ya ti ambinda.

Abia (Psaumes) 71:1

*KOTA GBIA, mbi kpe na mo ti bata tere ti mbi; sara si kamene agbu le ti mbi laoko pepe!

Ésaïe 40:29

Zo so awoko awe, lo yeke mu ngangu na zo ni; zo so ngangu ti lo ahunzi kue, lo yeke kiri ngangu na lo.

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Ezekiel 30:24

Me mbi yeke sara si maboko ti gbia ti Babilone awara ngangu si mbi yeke zia yongoro zeme ti mbi na maboko ti lo. Mbi yeke kungbi maboko ti Faraon si lo yeke dema na dawa ti wato ti lo tongana zo so awara ka ti fango lo.

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

2 Korente 12:9

Me lo tene na mbi: “Nzoni be so mbi sara na mo so alingbi awe. Na ndembe so zo ayeke na ngangu pepe, ngangu ti mbi alingbi ti sara ye kue.” Tongaso, mbi yeke gonda tere ti mbi, gi ngbanga ti so mbi yeke na ngangu pepe, tongaso si ngangu ti Christ aduti na ya ti tere ti mbi.

Efeze 3:16

Mbi hunda na lo titene lo mu ngangu na ala na lege ti Yingo ti lo alingbi na gonda ti lo so ayeke kota ahon ndoni, tongaso si be ti ala awara ngangu.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.