Néhémie 6:16 - Mbeti ti Nzapa - Tënë so amu fini

¹⁶ So awato ti e kue ama tënë ni, mbeto agbu amara so kue angoro e, kamene ahon ndö ti ala. Ala hinga atene, Nzapa ti e laa amu maboko na e si kua ti gbagba ni ahunzi so.

Néhémie 6:16 ပူးပေါင်းရင်းမြစ်များ

Néhémie 2:10

Sanebalat, zo ti gbata ti Horon, lo na Tobia, zo ti mara ti Amon so ayeke mu maboko na lo ama a tene, mbeni zo ayeke ga ti sara mbeni ye ti nzoni ndali ti azo ti Israel, be ti ala aso mingi.

Néhémie 4:1

Me so Sanebalat, Tobia, a-arabu, azo ti mara ti Amon na azo ti mara ti Asdod ama a tene, kua ti gbagba ti Jérusalem ayeke tambula nzoni si a to nda ti kanga adu ni, ngonzo agbu ala ngangu mingi.

Néhémie 4:7

Tongaso mbi leke mbeni ndo so gbagba ni ayeke na gbeni, na peko ti gbagba ni, mbi zia azo ni na lege ti kete mara ti ala; ayongoro zeme, alikongo na akokora ayeke na maboko ti ala.

Néhémie 6:17

Na ngoi ni so kue, akota zo ti Juda angba ti tokua ambeti mingi na Tobia; Tobia nga ayeke tokua ambeti na ala.

Abia (Psaumes) 109:27

Ayeke nzoni azo ni ahinga atene, mo KOTA GBIA laa mo sara ye ni, mo laa mo sara ye so ndali ti mbi.

Abia (Psaumes) 126:2

Tongaso yanga ti e kue gi na ngia, bia ti songo benda na yanga ti e. Azo ti amara nde atene: “KOTA GBIA asara kota ye mingi ndali ti ala!”

Abia (Psaumes) 129:5

Azo so kue ake *Sion so, ayeke nzoni kamene agbu le ti ala si ala kiri na peko.

Abia (Psaumes) 147:2

*KOTA GBIA ayeke leke Jérusalem, lo yeke bongbi azo ti Israel so a gbu ala a gue na ala na kodro wande.

Sigingo 14:25

KOTA GBIA asara si gere ti apusu ti mbarata ti ala azi si ala ye ti hon, ala hon gbaa. Tongaso azo ti Ezipte atene: “E kpe yongoro na tere ti azo ti Israel, ngbanga ti so KOTA GBIA laa ayeke tiri bira na e ndali ti azo ti Israel!”

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Wungo ti azo 23:23

Tënë ti sarango yoro ayeke na popo ti azo ti Jacob pepe, tënë ti bango nda ti aye ayeke na popo ti azo ti Israel pepe. Na ngoi so alingbi, fade a yeke tene na azo ti Jacob nga na azo ti Israel ye so kue Nzapa ayeke sara.

Awatokua 5:38

Fadeso, ala ma tënë so mbi yeke tene na ala: ala sara ye oko na akoli so pepe, ala zia ala. Tongana ye so akoli so aleke si ayeke sara so alondo na zo, fade ali ngu.

Josué 2:11

So e ma tënë ti aye so, be ti e afun kue; mbeni zo oko ayeke na ngangu ti gbu le ni na ala pepe, ngbanga ti so KOTA GBIA, Nzapa ti ala ayeke Nzapa na yayu kâ si lo yeke Nzapa ge na ndö ti sese.

Josué 2:9

Lo tene na ala: “Mbi hinga, mbi tene, KOTA GBIA amu kodro ni na ala awe. Mbeto ti ala agbu e mingi si tere ti azo ti kodro ni kue ado na mbeto ndali ti gango ti ala.

Josué 5:1

Agbia kue ti azo ti mara ti Amori so ayeke na mbage ti ngu ti Jourdain, na Do, na agbia kue ti azo ti Kanaan so ayeke na tere ti kota ngu-ingo ti Mediterane ama a tene, *KOTA GBIA asara si ngu ti Jourdain ahole na dawa ti azo ti Israel ngbii ala kue afâ ngu ni. So agbia ni ama tënë so, be ti ala afun kue, ala yeke na ngangu ti gbu le ni na azo ti Israel pepe.