Néhémie 6:14 - Mbeti ti Nzapa - Tënë so amu fini

¹⁴ “Nzapa ti mbi, mo dabe ti mo na ye so Tobia na Sanebalat asara, nga na Noadia, wayanga-Nzapa ti wali, lo na tanga ti awayanga-Nzapa so aye ti bi mbeto na ya ti mbi!”

Néhémie 6:14 ပူးပေါင်းရင်းမြစ်များ

Néhémie 13:29

“Nzapa ti mbi, dabe ti mo lakue so azo asara si kua ti awayango-sandaga aga sioni! Ala sara nga si *mbuki ti mo na awayango-sandaga na azo ti mara ti Lévi aga sioni!”

Néhémie 5:19

“Ae Nzapa ti mbi, mo dabe ti mo na ye so kue mbi sara ndali ti azo so! Mo sara nzoni be na mbi!”

Abia (Psaumes) 137:7

KOTA GBIA, dabe ti mo na azo ti Edom; ando, na ngoi so ye ti ngangu asi na Jérusalem, ala tene: “Kungbi ni, kungbi ni ngbii asi na agere ni kue!”

Abia (Psaumes) 22:1

Bia ti David; bia so ayeke ndali ti makonzi-bia. A he ni na go ti bia so iri ni “Tagba ti ndaperere”.

Abia (Psaumes) 63:1

Bia ti David. Lo he ni na ndembe so lo yeke na benyama ti Juda.

Sigingo 15:20

Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo.

Jérémie 14:15

Ndani laa, tënë so KOTA GBIA atene na tere ti awayanga-Nzapa ni ayeke so: Ataa so mbi tokua ala pepe, ala yeke fa tënë na iri ti mbi atene, fade bira na nzara ayeke si na ya ti kodro so pepe. Andaa, na lege ti bira nga na lege ti nzara si a yeke hunzi ala kue!

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 28:1

Gi na ya ti oko ngu ni so, so ti tene na osio ngu ni so Sedesias ato nda ti le-gbia na sese ti Juda, na nze oku ni, wayanga-Nzapa Hanania, molenge ti Azur, zo ti gbata ti Gabaon, ayeke na ya ti kota da ti Nzapa. Hanania ato nda ti tene tënë na mbi Jérémie na le ti awayango-sandaga nga na le ti azo kue, lo tene:

Jérémie 28:10

Tongaso wayanga-Nzapa Hanania azi zuge so ayeke na ndö ti go ti Jérémie si lo fâ ya ni.

Jérémie 28:15

Wayanga-Nzapa Jérémie akiri atene na wayanga-Nzapa Hanania, atene: “Hanania, ma mbi si! KOTA GBIA atokua mo pepe; me mo laa mo pusu azo so ti zia be ti ala na ndö ti atënë ti mvene.

Matthieu 24:11

Fade awayanga-Nzapa mingi ti mvene ayeke londo si ala yeke handa gba ti azo.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

2 Timothée 3:8

Azo ni so ake taa-tënë gi tongana ti so Yanes na Yambres ake ando tënë ti Moïse. Li ti azo ni so aga kirikiri si mabe ti ala ayeke ye oko pepe.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.