Néhémie 6:13 - Mbeti ti Nzapa - Tënë so amu fini

¹³ Ala pete na lo goro ni ngbanga ti nyen? Ala pete na lo goro ni titene mbeto agbu mbi, mbi sara ye alingbi na wango ti lo si mbi sara siokpari. Tongaso si ala bi buba na tere ti mbi si ala zia kamene na le ti mbi.

Néhémie 6:13 ပူးပေါင်းရင်းမြစ်များ

Néhémie 6:12

Mbi ma ya ni si mbi hinga so Nzapa laa atokua lo ti tene tënë na mbi so pepe. Me Tobia na Sanebalat laa apete goro na lo titene lo ga lo tene tënë so na mbi.

Néhémie 6:6

Tënë ti ya ti mbeti ni atene: “A yeke ma â-atene na popo ti amara nde atene, mo na a-ita ti mo azuife, ala yeke gi lege ti tomboka na tere ti gbia. Tënë so Geshem atene nga na e laa. Ndani laa mo yeke leke gbagba ti gbata ni so. Mo ye nga ti ga gbia ti azuife ni.

Amato 22:1

Titene iri ti zo awu nzoni, so laa ayeke nzoni ahon titene lo duti na gba ti mosoro. Titene azo aye lo, so laa ayeke nzoni ahon titene lo duti na wen ti nginza na lôro.

Amato 29:5

Zo so atene anzerengo tënë ti handa na mba ti lo, lo zia gbanda na lege ti lo.

Zo ti bongbingo azo 7:1

Titene iri ti zo awu nzoni, so ayeke nzoni ahon yombo ti ngangu ngere; lango ti kuâ ti zo ayeke nzoni ahon lango ti dungo lo.

Ésaïe 51:7

Ala so ahinga ye so ayeke mbirimbiri, ala so ndia ti mbi ayeke na be ti ala, ala ma mbi! Tongana azo ahe ala, ala sara mbeto ni pepe, be ti ala ado ndali ti zonga ti ala pepe.

Ésaïe 57:11

Zo wa laa azia lani mbeto na be ti mo, zo wa laa mo sara mbeto ti lo si mo handa mbi, be ti mo agirisa na mbi so? Mo kiri mo dabe ti mo na mbi pepe so? Aninga mingi mbi zi yanga pepe, ndani laa mo yeke kpe mbeto ti mbi pepe so?

Jérémie 1:17

Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Ezekiel 2:6

“Ti mo, molenge ti zo, sara mbeto ti ala pepe, sara mbeto ti tënë ti yanga ti ala pepe. Azo ni ayeke dekite na mo mingi; ye ni ayeke duti, mo baa mo tene, mo yeke na popo ti aki wala mo duti na ndö ti akparakongo. Me mo sara mbeto ti tënë ti yanga ti ala pepe, tere ti mo ado na le ti ala pepe. Biani, ala yeke azo ti mara ti ngangu li.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 22:15

Tongaso *Afarizien ague, abongbi tere ti ala ti gi lege titene gi na lege ti tënë ti yanga ti lo wani, Jésus ati na ya ti gbanda ti ala.

Matthieu 26:59

Akota wayango-sandaga na azo kue ti *Kota Bongbi ti Fango Ngbanga ayeke gi lege ti wara mbeni tënë ti mvene ti bi na li ti Jésus, ti fâ ngbanga ti kuâ na li ti lo;

Awatokua 6:13

Ala gue, aga na ambeni zo na le ti ngbanga titene azo ni atene mvene na iri ti lo, atene: “Koli so ayeke tene gi sioni tënë lakue na tere ti kota da ti Nzapa nga na tere ti *Ndia ti Moïse.

2 Korente 11:12

Ye so mbi yeke sara laso so, fade mbi yeke ngba lakue ti sara ni, tongaso si azo so aye ti wara mbeni ye ti luti na ndö ni ti gonda tere ti ala tongana ti so e yeke gonda tere ti e, fade ala wara ye ni pepe.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

2 Timothée 1:7

Biani, Yingo so Nzapa amu na e ayeke Yingo ti mbeto pepe, me ayeke Yingo ti ngangu, ti mabe na ti kangango nzara ti tere.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”