Néhémie 6:11 - Mbeti ti Nzapa - Tënë so amu fini

¹¹ Mbi kiri tënë na lo, mbi tene: “Zo tongana mbi so laa alingbi ti kpe? Zo tongana mbi so alingbi ti li na ndo so ayeke nde si ayeke nzoni kue si lo ngba na fini? Mbi yeke li kâ oko pepe!”

Néhémie 6:11 ပူးပေါင်းရင်းမြစ်များ

Néhémie 6:12

Mbi ma ya ni si mbi hinga so Nzapa laa atokua lo ti tene tënë na mbi so pepe. Me Tobia na Sanebalat laa apete goro na lo titene lo ga lo tene tënë so na mbi.

Néhémie 6:3

Mbi tokua azo na ala, mbi tene: “Mbi yeke na kua mingi ti sarango ni; mbi lingbi ti gue pepe. Tongana mbi londo ti gue na ala kâ, fade kua ni ayeke luti.”

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Abia (Psaumes) 112:6

Biani, mbeni ye ayeke yingi lo laoko pepe; azo ayeke dabe ti ala na zo ti mbirimbiri kpu na kpu.

Abia (Psaumes) 112:8

Be ti lo ado pepe, lo yeke sara mbeto pepe si lo yeke ku ti baa ye so ayeke ti ande na ndö ti awato ti lo.

Amato 28:1

Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Zo ti bongbingo azo 10:1

Kuâ ti avuma so ati na ya ti mafuta ti zo ti sarango yombo asara si mafuta ni abuba si akpi. Kete buba ye ayeke buba ndara ti zo na nengo ti zo.

Ésaïe 10:18

Lo yeke gbi apendere gbako ti ala kue kue kue nga na ayaka so kue akeke so a yeke te le ni tengo ayeke daa. Ala yeke ga tongana zo ti kobela so ange kue.

Wungo ti azo 3:10

Mo zia Aaron na amolenge ti lo titene ala sara kua ti ala ti wayango-sandaga. Tongana mbeni zo nde aga nduru na tere ti kua ni, fade a yeke fâ lo.”

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:30

ngbanga ti so angba kete lo kui ndali ti kua ti Christ. Lo ka tere ti lo titene lo ga lo sara na mbi ye so ala wani alingbi fade ti sara ndali ti mbi.

Ahebro 11:27

Na lege ti mabe, Moïse alondo na kodro ti Ezipte ti hon; mbeto ti ngonzo ti gbia asara lo pepe. Lo ka yingo, mo baa mo tene, Nzapa so zo ayeke baa lo pepe so, lo yeke baa lo.

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”