Néhémie 6:10 - Mbeti ti Nzapa - Tënë so amu fini

¹⁰ Mbeni lâ, mbi gue, mbi baa Shemaya, molenge ti Delaya, molenge ti Metabeel. Biani, Shemaya awara lege lani pepe ti si na ndo ti mbi. Lo tene na mbi, lo tene: “E li na ya ti kota da ti Nzapa, e duti na ndo so ayeke nde si ayeke nzoni kue; e kanga yanga ti da ni na ndö ti e, ngbanga ti so awato ti mo ayeke ga na bi so ti fâ mo.” –

Néhémie 6:10 ပူးပေါင်းရင်းမြစ်များ

Tongo nda ti aye 36:39

Baal-Hanan, molenge ti Akbor akui si Hadar aga gbia na peko ti lo. Iri ti gbata ti lo ayeke Pau; iri ti wali ti lo ayeke Metabeel, molenge ti Matred ti wali, ata ti Me-Zahab ti wali.

1 Agbia 6:5

A sara ambeni da ota so ayeke na ndö ti tere, na ndö ti tere. A sara ada ni na tere ti adere ti kota kubu ni nga na tere ti adere ti kubu so ayeke na ngbonda ni kâ, ti londo na mbeni mbage ni, angoro ngbii asi na mbeni mbage ni.

2 Agbia 11:3

Yoas na wali ti batango lo angba ti honde tere ti ala na ya ti kota da ti *KOTA GBIA ngu omene. Andaa na ngoi ni so, Atalii ayeke le-gbia na ndö ti kodro ni.

2 Agbia 9:8

Biani, fade azo ti sewa ti Akab kue ayeke kui. Mbi yeke fâ akoli so kue ayeke na ya ti da ti Akab, angbaa wala azo so ayeke angbaa pepe si ala yeke na Israel.

2 Mbai 28:24

Tongaso, Ahaz abongbi akungba so kue ayeke na ya ti kota da ti Nzapa si lo fâ ya ni; lo kanga ayanga ti kota da ti KOTA GBIA si lo sara agbalaka na asangbi-lege kue ti Jérusalem.

2 Mbai 29:3

Na ya ti kozo ngu ti lengo-gbia ti lo, na kozo nze ni, lo zi ayanga ti kota da ti KOTA GBIA si lo kiri lo leke ayanga ti da ni.

2 Mbai 29:7

Ataa ayanga ti kubu so azo ayeke hon daa ti li na ya ti kota da ni, ala kanga ni, ala mingo alamba, ala zia ti zö dukani, ti mu *sandaga so a yeke gbi ni kue na wâ ndali ti Nzapa ti Israel, na ndo so ayeke nde si ayeke nzoni kue.

Esdras 10:31

na popo ti azo ti kete mara ti Harim: Eliezer, Isia, Malkia, Shemaya, Shimon,

Esdras 8:16

Tongaso mbi iri amakonzi Eliezer, Ariel, Shemaya, Elnatan, Yarib, Elnatan, Natan, Zakarii, Meshulam na awafango-ndia use, Yoyarib na Elnatan.

Néhémie 6:12

Mbi ma ya ni si mbi hinga so Nzapa laa atokua lo ti tene tënë na mbi so pepe. Me Tobia na Sanebalat laa apete goro na lo titene lo ga lo tene tënë so na mbi.

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 37:12

Zo ti sioni aleke na be ti lo ti sara sioni na zo ti mbirimbiri; lo yeke te pembe na tere ti zo ti mbirimbiri ni.

Amato 11:9

Zo so ake Nzapa ayeke sara sioni na amba ti lo na lege ti atënë ti yanga ti lo; me azo ti mbirimbiri ayeke soo kuâ na lege ti hingango ye.

Jérémie 36:5

Na pekoni, Jérémie amu yanga na Baruk, atene: “A kanga lege na mbi awe; mbi lingbi ti gue na ya ti kota da ti Nzapa pepe.

Ezekiel 3:24

Yingo ti Nzapa ali mbi, lo mu mbi, lo zia mbi, mbi luti na nduzu. Lo tene na mbi, lo tene: “Gue na ya ti da ti mo, mo kanga yanga ti da ni na ndö ti mo.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Jean 3:20

Zo so kue ayeke sara ye ti sioni, lo ke tënë ti lumiere; lo ye ti ga na ya ti lumiere pepe, ngbanga ti so lo kpe titene asioni ye so lo yeke sara asigigi polele.

Awatokua 21:30

Wusuwusu amu ya ti gbata ni kue si gba ti azo alondo na ando nde nde akpe aga. Ala gbu Paul, agboto lo, asigigi na lo si ala kanga yanga ti da ni hio.