Néhémie 5:8 - Mbeti ti Nzapa - Tënë so amu fini

⁸ Mbi tene na ala: “A-ita ti e azuife so a ka ala lani na amara nde, e laa e kiri e vo ala alingbi na nginza so e yeke na ni. Fadeso ala laa akiri ayeke ka a-ita ti ala? Ala ye ti ka ala taa na e amba ti ala, amolenge ti kodro?” Yanga ti ala ade sui, zo oko akiri azi yanga pepe.

Néhémie 5:8 ပူးပေါင်းရင်းမြစ်များ

Néhémie 5:9

Mbi tene na ala: “Ye so ala yeke sara so ayeke nzoni pepe. Ayeke fade nzoni titene ala duti na kpengo mbeto ti Nzapa ti e; tongaso si azo ti amara nde so ayeke awato ti e awara lege pepe ti zonga e!

Mbeti ti Job 29:10

Amakonzi ayeke tene tënë na nduzu mbeni pepe, tënë ahunzi na yanga ti ala.

Mbeti ti Job 32:15

Ye ahon ndö ti ala; tënë oko titene ala kiri ni ayeke daa pepe, tënë ahunzi na yanga ti ala awe.

Sigingo 21:16

“Zo so anzi mbeni zo ti ka lo, wala lo ka lo awe wala a wara zo ni na ndo ti lo, alingbi ala fâ lo.

Matthieu 22:12

Lo hunda koli ni, lo tene: ‘Ita, mo sara tongana nyen laa mo li na ndo so? Bongo ti matanga ti mo ayeke na ndo wa?’ Me koli ni akiri tënë oko pepe.

Matthieu 25:15

Lo mu na mbeni zo ti kua ni ale ti lôro ngbangbo oku; lo mu na use zo ni ale ti lôro ngbangbo use si lo mu na ota zo ni ale ti lôro ngbangbo oko: zo oko oko awara ye alingbi na ngangu ti lo. Na pekoni, koli so amu lege ague.

Matthieu 25:29

ngbanga ti so zo so kue ayeke na ye, fade a kiri amu mbeni na ndö ni na lo si lo yeke na ye ahon ndoni; me zo so ayeke na ye pepe, ataa kete ye so lo yeke na ni, fade a yeke zi na maboko ti lo.

Rome 14:15

Tongana mba ti mo awara vundu ndali ti mbeni kobe so mo yeke te, so afa atene, mo sara ye na lege ti ndoye pepe. Zo so Christ akui ndali ti lo, alingbi mo buba lege ti lo ndali ti tënë ti kobe pepe!

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

1 Korente 8:11

Ndali ti hingango ye ti mo, ita ti mo so akpengba pepe, lo so Christ akui ndali ti lo so, ayeke girisa lege.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Ndia ti fani use ni 24:7

Moïse atene: Tongana mbeni zo na popo ti ala anzi ita ti lo, zo ti Israel, lo sara zo ni na ngbaa, wala lo ka ita ti lo ni, zo ti nzi ni alingbi na kuâ. Lege so fade ala yeke zi sioni ye na popo ti ala laa.