Néhémie 5:2 - Mbeti ti Nzapa - Tënë so amu fini

² Ambeni atene: “E na amolenge ti e ti koli na ti wali, e yeke mingi. E ye ti wara *ble ti te si e ngba na fini.”

Néhémie 5:2 ပူးပေါင်းရင်းမြစ်များ

Tongo nda ti aye 41:57

Azo alondo na ya ti akodro kue si ala yeke ga na Ezipte ti vo ble na maboko ti Joseph, ngbanga ti so nzara ni ayeke ga gi ngangu ngangu na ya ti akodro kue.

Tongo nda ti aye 42:2

Mbi ma a tene, ble ayeke na Ezipte. Ala londo ague kâ, avo mbeni aga na ni; tongaso si e kui pepe, e ngba na fini.”

Tongo nda ti aye 43:8

Juda atene na babâ ti lo Jacob: “Zia molenge ni, mbi na lo, e gue. Ala londo, e gue. Tongaso si e na mo, na amolenge ti e kue, e ngba na fini, e kui pepe.

Tongo nda ti aye 47:19

Titene e kui na le ti mo si asese ti e abuba, so ayeke nzoni? Ayeke nzoni mo mu e na asese ti e si mo mu na e ale ti kobe na pekoni. Tongaso e ga angbaa ti Faraon, e na asese ti e kue. Mu na e ale ti kobe si e kui pepe, e ngba na fini si asese ti e angba gi senge senge pepe.”

2 Agbia 4:1

Mbeni lâ, mbeni wali so koli ti lo ayeke na ya ti bongbi ti awayanga-Nzapa, aga ti baa Élisée si atene: “Koli ti mbi so ayeke lani zo ti kua ti mo, akui awe. Lo yeke kpe ando mbeto ti *KOTA GBIA mingi; mo hinga kue. Fadeso mbeni koli so boon ti lo ayeke na li ti e aga ti mu amolenge ti mbi use titene ala ga angbaa ti lo.”

Néhémie 5:3

Ambeni atene nga: “Na ndembe so nzara ahon ndö ti e si e ye ti wara ble, alingbi e zia ayaka ti e, ayaka ti *vinye ti e nga na ada ti e na ambeni zo si ala mu ni na e.”

Aggée 1:6

Ala lu kobe mingi, me ala fâ ni gi kete; ala yeke te kobe, me ya ti ala ayeke si pepe; ala yeke nyon vin, me tere ti ala ayeke nzere pepe; ala yeke yu bongo, me tere ti ala ayeke mu wâ pepe. Zo ti kua ayeke wara futa ti lo, me nginza ni ayeke li gi na ya ti bozo so akoro awe.

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

Ndia ti fani use ni 23:19

Koli wala wali so ayeke sara ye ti ndumba, KOTA GBIA Nzapa ti ala, abaa lo tongana zo ti sioni mingi. Nilaa nginza so zo ni awara na lege ti sarango ye ti ndumba, ataa lo mu zendo na KOTA GBIA, alingbi ala yeda oko pepe titene zo tongaso aga na nginza ni na ya ti kota da ti KOTA GBIA Nzapa ti ala.