Néhémie 5:12 - Mbeti ti Nzapa - Tënë so amu fini

¹² Azo ni akiri tënë: “Fade e yeke sara ye so mo hunda na e so. Aye so lani e mu na maboko ti azo ni so, fade e yeke kiri ni na ala; e yeke kiri ti hunda ye na maboko ti ala pepe.” Tongaso mbi iri awayango-sandaga; na le ti ala, mbi hunda na azo so boon ti amba ti ala angba na li ti ala titene ala deba yanga ti ala ti sara ye alingbi na zendo so ala mu.

Néhémie 5:12 ပူးပေါင်းရင်းမြစ်များ

Esdras 10:12

Azo so kue aga na bongbi ni adekongo, atene: “Taa-tënë, alingbi e sara ye tongana ti so mo tene so!

Esdras 10:5

Esdras alondo. Lo hunda na ngangu na amakonzi ti awayango-sandaga, azo ti mara ti Lévi na azo ti Israel kue ti deba yanga ti ala, ti fa so ala yeke sara ye alingbi na tënë so Shekania atene. Tongaso azo ni kue adeba yanga ti ala.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Néhémie 10:30

ala kue abongbi na a-ita ti ala, akota zo. Ala mu zendo si ala deba yanga ti ala ti sara ye na lege ti Ndia ti *KOTA GBIA so lo mu na e na lege ti Moïse, zo ti kua ti lo. E deba yanga ti e ti bata na ti sara ye alingbi na atënë ti ndia kue, andia nga na atënë ti yanga ti KOTA GBIA Nzapa ti e.

Néhémie 10:31

Tongaso, e mu zendo e tene, fade e yeke mu amolenge ti e ti wali na azo ti kodro ni pepe ti ga awali ti ala. E yeke soro amolenge-wali ti azo ti kodro ni pepe ti mu na amolenge ti e ti koli.

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Néhémie 5:11

Gi laso laso, ayeke nzoni ala kiri na azo ni ayaka ti ala, ayaka ti vinye ti ala, ayaka ti a-olive ti ala nga na ada ti ala. Ataa nginza, ble, fini vin na mafuta so ala sara boon ni na azo ni titene azo ni azia mbeni ye na ndö ni si akiri na ni na ala, ayeke nzoni ala kiri ahunda ni pepe.”

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”