Néhémie 5:10 - Mbeti ti Nzapa - Tënë so amu fini

¹⁰ Mbi nga, mbi na a-ita ti mbi, na azo ti mbi, e sara lani boon ti nginza na ti ble na azo ni. Fade e yeke zi yongo ni na li ti ala.

Néhémie 5:10 ပူးပေါင်းရင်းမြစ်များ

Néhémie 10:32

Na *lango ti wungo tere, wala na mbeni lango ti matanga, tongana azo so aga na *ble, wala na akungba nde ti kango ni, fade e yeke vo ni na maboko ti ala pepe. Lakue na peko ti ngu mbarambara, fade e yeke zia sese awu tere, e yeke zi ayongo kue na li ti azo.

Néhémie 5:11

Gi laso laso, ayeke nzoni ala kiri na azo ni ayaka ti ala, ayaka ti vinye ti ala, ayaka ti a-olive ti ala nga na ada ti ala. Ataa nginza, ble, fini vin na mafuta so ala sara boon ni na azo ni titene azo ni azia mbeni ye na ndö ni si akiri na ni na ala, ayeke nzoni ala kiri ahunda ni pepe.”

Néhémie 5:7

Tongaso mbi leke na be ti mbi ti suku na akota zo nga na amakonzi. Mbi tene na ala, mbi tene: “Ala yeke sara boon na a-ita ti ala si ala yeke hunda titene a-ita ti ala ni azia mbeni ye na ndö ni si akiri na ni na ala?” Na pekoni, mbi tisa azo ni na ya ti mbeni kota bongbi.

Néhémie 5:9

Mbi tene na ala: “Ye so ala yeke sara so ayeke nzoni pepe. Ayeke fade nzoni titene ala duti na kpengo mbeto ti Nzapa ti e; tongaso si azo ti amara nde so ayeke awato ti e awara lege pepe ti zonga e!

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Ezekiel 18:13

Tongana lo sara boon ti nginza na mbeni zo, lo yeke hunda gba ti nginza na ndö ni, lo yeke gi ti wara mbeni ye na peko ni. Mara ti molenge tongaso ayeke ngba na fini? Oko pepe! So lo sara aye so kue zo alingbi ti baa na le ti lo fani use pepe so, fade lo yeke kui si ngbanga ti mene ti lo ayeke kiri na li ti lo wani.

Ezekiel 18:7

Lo yeke sara ngangu na zo pepe; tongana lo gbu ye ti zo ndali ti yongo ti lo so ayeke na li ti zo ni, lo yeke kiri na ni; lo yeke nzi ye ti zo pepe, lo yeke mu kobe na zo so nzara asara lo, lo yeke mu bongo na zo so bongo atia lo.

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Mishe 2:1

Mawa na azo so ayeke leke na be ti ala tënë ti sarango sioni ye; na bi, ala yeke leke tënë ti sarango sioni ye! Gi so ndo ahan awe, ala yeke sara ni, tongana ala wara lege ni.

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Ndia ti fani use ni 15:2

Lege ti zingo yongo ni ayeke tongaso: Tongana a to mbela na iri ti *KOTA GBIA tënë ti zingo yongo na li ti azo awe, zo so kue asara boon ti nginza na mba ti lo, zo ti Israel, fade lo yeke zia lege ti hundango boon ni. Lo yeke gbu mba ti lo ni, wala ita ti lo, zo ti Israel ni na ngangu pepe titene lo futa na lo yongo ni.