Néhémie 4:2 - Mbeti ti Nzapa - Tënë so amu fini

² Ala kue ama tere na hondengo ni ti ga ti sara bira na Jérusalem nga ti bi wusuwusu na ya ti gbata ni.

Néhémie 4:2 ပူးပေါင်းရင်းမြစ်များ

Esdras 4:4

Tongaso azo ti kodro ni ato nda ti sara si be ti azuife awoko, ala zia mbeto na be ti azuife, tongaso si ala lingbi ti do lege ti lekengo da ni ti zia.

Néhémie 12:27

So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Néhémie 4:10

Ti londo na lango ni so, ndambo ti azo ti mbi ayeke sara kua ti gbagba ni; atanga ni agbu likongo, *vala, kokora si ala yu kazaka ti wen. Amakonzi ayeke baa ndo na ndö ti azo ti Juda kue.

Néhémie 6:15

Kua ti gbagba ni ahunzi na lango baleuse na oku ti nze ti Elul, so ti tene na peko ti lango baleoku na use.

Abia (Psaumes) 83:4

Ala leke tënë na hondengo ni na tere ti azo ti mo, ala ma tere ti sara sioni na azo so mo yeke bata ala.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 33:24

“Mo ma tënë so azo ayeke tene so pepe? Azo ni atene: ‘Israel na Juda, asewa use so KOTA GBIA asoro ala lani so, fadeso lo ke ala awe!’ Na tenengo mara ti tënë tongaso, azo ni abaa azo ti mbi tongana mara mbeni pepe; ala baa azo ni tongana ambumbuse zo.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Habakuk 3:2

*KOTA GBIA, mbi ma tënë so mo tene awe; mbeto agbu mbi ndali ti ye so mo sara. KOTA GBIA, na ya ti angu so ayeke ga so, sara si aye ni abaa gigi; na ya ti angu so ayeke ga so, sara si azo abaa ni. Me tongana mo sara ngonzo, mo girisa ti baa mawa ti zo pepe.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.