Néhémie 4:11 - Mbeti ti Nzapa - Tënë so amu fini

¹¹ Azo ti lekengo gbagba na azo ti yongo akungba ayeke sara kua na mbeni maboko oko si ala gbu aye ti bira na tanga ti maboko ni.

Néhémie 4:11 ပူးပေါင်းရင်းမြစ်များ

2 Samuel 17:2

Mbi yeke wara lo na ndembe so lo woko si be ti lo awoko awe. Mbi yeke bi kota mbeto na be ti lo si azo so kue ayeke na tere ti lo ayeke kpe; mbi yeke fâ gi lo oko.

Néhémie 4:10

Ti londo na lango ni so, ndambo ti azo ti mbi ayeke sara kua ti gbagba ni; atanga ni agbu likongo, *vala, kokora si ala yu kazaka ti wen. Amakonzi ayeke baa ndo na ndö ti azo ti Juda kue.

Néhémie 4:12

Azo ti sarango gbagba, zo oko oko akanga yongoro zeme na ngbonda ti lo. Zo ti hurungo didi aluti na tere ti mbi.

Néhémie 4:9

So awato ti e ama a tene, e hinga tënë ni awe si Nzapa asara titene pialo ti ala ali ngu, e kue, e kiri na tere ti gbagba ni, zo oko oko na yanga ti kua ti lo.

Abia (Psaumes) 56:6

Lakue, ala yeke tene atënë ti songo be na mbi, ala yeke gbu li ti ala gi ti sara sioni na mbi.

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Awatokua 23:12

So ndo ahan awe, ambeni zuife abongbi tere si ala leke tënë: ala deba yanga ti ala, atene, ala yeke te kobe wala ala yeke nyon nga ngu pepe ngbii ala fâ Paul si.

Awatokua 23:21

Me mo yeda na tënë ti ala pepe, ngbanga ti so ambeni koli, li ti ala ahon baleosio, ayeke honde ande tere ti ala ti ku lo. Ala deba yanga ti ala atene, ala yeke te kobe wala ala yeke nyon nga ngu pepe, ngbii ala fâ Paul si. Ala leke tere ti ala awe si ala yeke ku gi tënë ti yanga ti mo.”

1 Tesalonike 5:2

Ala wani, ala hinga tënë ni nzoni mingi: lango ti gango ti *Kota Gbia ayeke duti tongana gango ti zo ti nzi na bi.