Néhémie 3:8 - Mbeti ti Nzapa - Tënë so amu fini

⁸ Na tere ti ala, Uziel, molenge ti Haraya, zo ti lekengo aye na lôro ayeke sara ti lo kua ni. Na tere ti Haraya ayeke Hanania, zo ti sarango ayombo. Ala hunzi kua ti ala na Jérusalem si ala si na ndo so le ti gbagba ni akono daa.

Néhémie 3:8 ပူးပေါင်းရင်းမြစ်များ

Tongo nda ti aye 50:2

Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni.

Néhémie 12:38

Use bongbi ti azo ti hengo bia ni amu lege ti gue na mbage ti maboko ti wali. Mbi na ndambo ti amakonzi ti azo ni, e mu peko ti ala, e tambula na ndö ti gbagba ti gbata ni, na ndö ti kota da so ayo na nduzu so iri ni Ti-afur. Na pekoni, e gue ngbii e si na ndo so yanga ti gbagba ni akono daa.

Sigingo 30:25

Mo mu aye so na zo ti sarango yombo; lo yeke bongbi ni ti sara na mafuta ti tukungo na li ti zo ti zia lo nde ndali ti mbi.

Zo ti bongbingo azo 10:1

Kuâ ti avuma so ati na ya ti mafuta ti zo ti sarango yombo asara si mafuta ni abuba si akpi. Kete buba ye ayeke buba ndara ti zo na nengo ti zo.

Ésaïe 46:6

Ambeni zo ayeke sigigi na lôro ti bozo ti ala kue, ala yeke haka wen ti nginza na kilo, ala yeke futa mbeni wakode-kua ti kporo lôro ti sara na mbeni nzapa. Na pekoni, ala yeke kuku na gbe ti lo ti voro lo.