Néhémie 3:32 - Mbeti ti Nzapa - Tënë so amu fini

³² Ambeni zo ti lekengo aye na lôro, ala na azo ti dengo buze ni ayeke sara ti ala kua ni na tanga ti ndo ni so ayeke na popo ti ndo so asanziri ayeke duti daa nga na yanga ti gbagba so iri ni Ti-ataba.

Néhémie 3:32 ပူးပေါင်းရင်းမြစ်များ

Néhémie 12:39

E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

Néhémie 3:1

Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.

Néhémie 3:31

Na peko ti Meshulam kâ, Malkia, zo ti lekengo aye na lôro ayeke sara ti lo kua ni ti gue na ni ngbii ti si na da ti azo ti sarango kua ti kota da ti Nzapa na ti azo ti dengo buze, na ndo so abaa le na yanga ti gbagba ti Mifkad. Lo yeke sara nga kua ni ngbii ti si na ndo so asanziri ayeke duti daa na ndangoro ti gbagba ni.

Néhémie 3:8

Na tere ti ala, Uziel, molenge ti Haraya, zo ti lekengo aye na lôro ayeke sara ti lo kua ni. Na tere ti Haraya ayeke Hanania, zo ti sarango ayombo. Ala hunzi kua ti ala na Jérusalem si ala si na ndo so le ti gbagba ni akono daa.

Jean 5:2

Na Jérusalem, nduru na yanga ti gbagba ti gbata ni so iri ni Ti-ataba, mbeni ngu ayeke daa, iri ni na yanga ti hebro ayeke Betzata. Averanda oku ayeke na tere ti ngu ni.