Néhémie 3:26 - Mbeti ti Nzapa - Tënë so amu fini

²⁶ lo na azo ti kua ti kota da ti Nzapa so ayeke lango na vaka ti Ofel ayeke leke ti ala gbagba ni ti gue na ni ngbii ti si na yanga ti gbagba so iri ni Ti-ngu, na mbage ti To nga ti si na da so ayo na nduzu si asigigi na tere ti gbagba ni.

Néhémie 3:26 ပူးပေါင်းရင်းမြစ်များ

1 Mbai 9:2

Akozo zo so akiri na ya ti gbata ti ala ti kiri ti mu aye so ayeke lani ti ala ayeke asenge zo ti Israel, awayango-sandaga, azo ti mara ti Lévi na azo ti kua ti kota da ti Nzapa.

2 Mbai 27:3

Yotam laa asara yanga ti gbagba ti kota da ti KOTA GBIA, yanga ni ti mbage ti nduzu. Lo sara akua mingi ti kpengba ngangu gbagba ti vaka ti Ofel.

2 Mbai 33:14

Na pekoni, Manase asara ngangu gbagba na tere ti Gbata ti David, na mbage ti gigi; gbagba ni ayo na nduzu mingi. Gbagba ni ahon na mbage ti Do, na ndo so li ti ngu ti Gihon ayeke daa, angoro vaka ti Ofel, ahon na popo-hoto ti Sedron, ague ngbii asi na yanga ti gbagba so iri ni Ti-asusu. Manase azia amakonzi ti aturugu na ya ti agbata ti Juda so kue ngangu gbagba ayeke na tere ni.

Néhémie 10:28

Maluk, Harim na Baana.

Néhémie 11:21

Azo ti kua ti kota da ti Nzapa aduti na ya ti mbeni vaka ti Jérusalem so iri ni Ofel. Siha na Gishepa laa ayeke makonzi ti azo ti kua ni.

Néhémie 12:37

So ala si na yanga ti gbagba so iri ni Ti-ngu awe, andaa ala si na Gbata ti David. Ala ma eskalie ti gbata ni si ala ko na ndö ti gbagba ni so ayeke na nduzu ahon yangbo ti David. Na pekoni, ala gue ngbii ala si na yanga ti gbagba so iri ni Ngu, na mbage ti To ti gbata ni.

Néhémie 3:27

Na peko ti ala kâ, azo ti gbata ti Tekoa ayeke leke mbeni ndo ni, ti londo na ndo so abaa le na kota da so ayo na nduzu si asigigi na ya ti gbagba ni; ala leke ni ngbii asi na gbagba ti Ofel.

Néhémie 8:1

Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.

Néhémie 8:16

Tongaso azo ti Israel ague, afâ amaboko ti keke ti sara na akpangba. Ambeni asara ti ala kpangba ni na li ti ada ti ala, ambeni na ya ti gbagba ti ala wani, ambeni na ya ti gbagba ti kota da ti Nzapa, ambeni na kota ndo so ayeke na yanga ti gbagba so iri ni Ti-ngu si ambeni na kota ndo so ayeke na yanga ti gbagba so iri ni Ti-Efraim.

Néhémie 8:3

Ti londo na kota ndaperere ngbii asi na bekombite, Esdras aluti na kota le ti kodro so abaa le na yanga ti gbagba so iri ni Ti-ngu; lo diko mbeti ti Ndia ni na akoli, na awali nga na azo so kue alingbi ti ma ya ni. Azo ni kue aduti kpoo ti ma tënë ti Ndia so a yeke diko ni so.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.