Néhémie 3:15 - Mbeti ti Nzapa - Tënë so amu fini

¹⁵ Shalun, molenge ti Kol-Hoze, makonzi ti kete sese ti Mispa asara yanga ti gbagba so iri ni Ti-li-ti-ngu. So lo sara yanga ti gbagba ni awe, lo sara li ni daa; lo zia ale ti yanga ti gbagba ni daa, na angbongboro wen ti kangango na ni nga na akerere ni. Lo leke nga gbagba so ayeke nduru na *lende ti Siloe, na popo ti pendere ndo ti gbia so a lu akongo daa nga na eskalie so alondo na Gbata ti David ti zu na gbeni.

Néhémie 3:15 ပူးပေါင်းရင်းမြစ်များ

2 Samuel 5:9

David aduti na ya ti ngangu gbagba ni; ndani laa lo di iri ti gbata ni “Gbata ti David”. Lo sara ambeni gbagba angoro ni, ti londo na ndo so a iri ni Milo, ngbii asi na mbage ti ya ti gbata ni.

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

2 Mbai 32:30

Ezekias nga laa akanga lege na li ti ngu ti Gihon na mbage ti nduzu ti sua; lo zi lege ni titene asua ti gue na gbeni na mbage ti Do, na Gbata ti David. Aye so kue Ezekias asara aga nzoni.

Néhémie 12:37

So ala si na yanga ti gbagba so iri ni Ti-ngu awe, andaa ala si na Gbata ti David. Ala ma eskalie ti gbata ni si ala ko na ndö ti gbagba ni so ayeke na nduzu ahon yangbo ti David. Na pekoni, ala gue ngbii ala si na yanga ti gbagba so iri ni Ngu, na mbage ti To ti gbata ni.

Néhémie 2:14

Mbi gue, mbi si na yanga ti gbata so iri ni Ti-li-ti-ngu nga na mbage ti *lende ti gbia. Me lele so mbi duti na ndö ti lo so agi lege ti hon daa gbaa.

Néhémie 2:17

Tongaso, mbi tene na ala: “Ala baa mawa so e yeke na ya ni so! Gbata ti Jérusalem ati awe, wâ agbi ayanga ti gbagba ni kue awe. E londo, e kiri e leke gbagba ti Jérusalem, tongaso si e zi kamene na le ti e!”

Néhémie 3:12

Na tere ti ala, Shalum, molenge ti Halohesh, makonzi ti ndambo ti kete sese so ayeke na tere ti Jérusalem ayeke sara ti lo kua ni. Amolenge ti lo ti wali ayeke mu na lo maboko na kua ni.

Néhémie 3:14

Malkia, molenge ti Rekab, makonzi ti kete sese ti Bet-Kerem asara yanga ti gbagba so iri ni Ti-puru. So Malkia aleke yanga ti gbagba ni awe, lo zia ale ni daa, na angbongboro wen ti kangango na ni nga na akerere ni.

Néhémie 3:19

na tere ti lo ayeke Ezer, molenge ti Yeshua, makonzi ti gbata ti Mispa; lo yeke leke gbagba ni na ndo so abaa le na da ti batango aye ti bira, na ndo so gbagba ni asi daa si angoro ti gue.

Néhémie 3:7

Na tere ti ala, Melatia, zo ti gbata ti Gabaon, lo na Yadon, zo ti Meronot, ala na ambeni koli ti Gabaon na ti Mispa ayeke sara ti ala kua ni; ala sara kua ni na iri ti govoronere so ayeke na Do ti ngu ti Efrate.

Néhémie 3:9

Na tere ti ala, Refaya, molenge ti Hur, makonzi ti ndambo ti kete sese so ayeke na tere ti Jérusalem.

Zo ti bongbingo azo 2:6

Mbi zi *alende ti to ngu ni ti tuku na ndö ti gba ti akeke so mbi lu.

Ésaïe 8:6

“Azo ti Juda ake ngu ti Siloe so ayeke sua yeke-yeke; be ti ala anzere ndali ti gbia Resen na gbia Peka, molenge ti Remalia.

Jérémie 40:6

Tongaso Jérémie ague na Mispa, na tere ti Gedalia. Lo na Gedalia aduti na popo ti azo so angba na ya ti kodro ni.

Nzoni Tënë so Luc asu na mbeti 13:4

Ka azo baleoko na miombe so da ti Siloe so ayo na nduzu ati na ndö ti ala si afâ ala kue so, ala baa ti ala atene, azo ni asara sioni ahon azo ti Jérusalem kue?

Jean 9:7

si lo tene na lo: “Gue mo sukula le ti mo na du ti ngu ti Siloe.” Nda ti iri ti Siloe atene “Zo ti tokua”. Tongaso koli ni ague, lo sukula le ti lo si na kiringo ti lo, lo baa ndo nzoni.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.

Awafango-ngbanga 20:3

Azo ti mara ti Benjamin ama a tene, azo ti Israel asi na Mispa. Azo ti Israel ahunda ndo, atene: “Ala fa na e peko ti fango zo so a fâ lo so.”