Néhémie 3:1 - Mbeti ti Nzapa - Tënë so amu fini

¹ Kota wayango-sandaga Eliashib alondo ti gbu kua ni, lo na amba ti lo awayango-sandaga. Ala kiri aleke yanga ti gbagba so iri ni Ti-ataba. So ala zia ayanga ti gbagba ni daa awe, ala zia ni nde ndali ti Nzapa. Na pekoni, ala kiri aleke gbagba ni ague ngbii asi na tere ti kota da so ayo na nduzu so iri ni Ngbangbo. Ala zia nga ni nde ndali ti Nzapa. Ala hon ala si na kota da ti Hananeel so ayo na nduzu.

Néhémie 3:1 ပူးပေါင်းရင်းမြစ်များ

Néhémie 12:10

Yeshua adu Yoyakim; Yoyakim adu Eliashib; Eliashib adu Yoyada;

Néhémie 12:30

Awayango-sandaga na azo ti mara ti Lévi *asukula sioni ti ala wani, ala sukula sioni ti azo ni nga na sioni ti ayanga ti gbagba ti gbata ni.

Néhémie 12:39

E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Néhémie 13:4

Kozoni si ye so asi, a soro wayango-sandaga Eliashib titene lo baa ndo na ndö ti ada so ayeke na ya ti gbagba ti kota da ti Nzapa ti e; Eliashib ayeke zo ti sewa ti Tobia.

Néhémie 3:20

Na peko ti lo kâ, Baruk, molenge ti Zabai ayeke sara ti lo kua ni na be ti lo kue; lo leke mbeni ndo ni, ti londo na ndo so gbagba ni asi daa si angoro ti gue, ngbii asi na tere ti da ti kota wayango-sandaga Eliashib.

Néhémie 3:21

Na peko ti lo kâ ayeke Meremot, molenge ti Uria; Uria ayeke molenge ti Hakos. Meremot ayeke sara ti lo kua ni, ti londo na yanga ti da ti Eliashib ngbii asi na ndo so da ti Eliashib ahunzi daa.

Néhémie 3:32

Ambeni zo ti lekengo aye na lôro, ala na azo ti dengo buze ni ayeke sara ti ala kua ni na tanga ti ndo ni so ayeke na popo ti ndo so asanziri ayeke duti daa nga na yanga ti gbagba so iri ni Ti-ataba.

Néhémie 6:1

Sanebalat, Tobia, Geshem so ayeke arabu, ala na ambeni wato ti e ama a tene, mbi leke gbagba ti gbata ni awe si adu ayeke na ya ni mbeni pepe. Na ndembe ni so, mbi de ti zia ayanga ti gbagba ni daa pepe.

Néhémie 7:1

So kua ti lekengo gbagba ni ahunzi kue awe, mbi zia ayanga ni daa. Na pekoni, mbi zia azo na kua ti ala oko oko: asanziri, azo ti hengo bia na azo ti mara ti Lévi.

Abia (Psaumes) 30:1

Bia ti David. A he ni ndali ti matanga ti ziango kota da ti Nzapa na maboko ti lo.

Abia (Psaumes) 48:12

Na ndö ti hoto ti Sion, azo ayeke na ngia, na ya ti agbata ti Juda, azo ayeke dodo na ngia ndali ti fango ngbanga ti mo.

Amato 3:6

Na ya ti sarango ye ti mo kue, mo dabe ti mo na lo; lo laa lo yeke leke lege so fade mo yeke tambula daa.

Amato 3:9

Mo ne KOTA GBIA na mungo na lo aye ti mo; mo mu na lo akozo le ti kobe ti mo.

Jérémie 31:38

“So tënë ti yanga ti KOTA GBIA laa: Mbeni lango ayeke ga so a yeke kiri ti leke gbata ti Jérusalem ndali ti KOTA GBIA, ti londo na kota da ti Hananeel so ayo na nduzu, ngbii asi na yanga ti gbagba so iri ni Ti-Ndangoro.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Zakarii 14:10

Ti londo na Geba ngbii asi na Rimon, na Mbongo ti Jérusalem, fade kodro ni kue ayeke ga lando. Jérusalem ayeke duti na ndo so ayeke na nduzu; gbata ni ayeke londo na yanga ti gbagba ti Benjamin ngbii asi na yanga ti gbagba so iri ni Ti-Ndangoro, ayeke gue ngbii asi na ngbene yanga ti gbagba ni; akiri ague ngbii asi na kota da ti Hananeel so ayo na nduzu, ngbii asi na ndo so a yeke pete vin ti gbia daa.

Jean 5:2

Na Jérusalem, nduru na yanga ti gbagba ti gbata ni so iri ni Ti-ataba, mbeni ngu ayeke daa, iri ni na yanga ti hebro ayeke Betzata. Averanda oku ayeke na tere ti ngu ni.

Ndia ti fani use ni 20:5

Na pekoni, fade akapita so kua ti ala ayeke ti mungo azo na kua ti turugu ayeke tene na aturugu ni, atene: “Na popo ti ala, zo wa laa asara fini da si lo de ti lango na ya ni pepe? Ayeke nzoni lo kiri na yanga-da. Tongaso pepe, tongana lo kui na yanga ti bira, fade mbeni zo nde ayeke lango na ya ti da ti lo ni.