Néhémie 2:8 - Mbeti ti Nzapa - Tënë so amu fini

⁸ Ayeke nzoni a mu nga na mbi mbeni mbeti so mbi yeke gue na ni na Asaf, wabatango-gbako ti gbia. Tongaso, fade lo yeke mu na mbi akeke so alingbi titene a sara na ayanga ti gbagba ti bira so ayeke na tere ti kota da ti Nzapa. Mbi yeke mu nga akeke ni ti leke na agbagba ti gbata ni nga na da so mbi yeke lango ande na ya ni.” Gbia amu na mbi ambeti ni, ngbanga ti so maboko ti Nzapa ti mbi ayeke na ndö ti mbi ti bata mbi.

Néhémie 2:8 ပူးပေါင်းရင်းမြစ်များ

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Esdras 5:5

Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

Esdras 6:22

Na pekoni, na ya ti lango mbarambara, ala sara na ya ti ngia, matanga ti Mapa so a sara na mama ni pepe. KOTA GBIA azia ngia na be ti ala, ngbanga ti so lo sara si be ti gbia Darius aga nzoni na mbage ti ala; ye so asara lani si be ti azo ti Israel awara ngangu si ala kiri ti gbu kua ti lekengo kota da ti Nzapa ti Israel.

Esdras 6:8

Mbela so mbi mu ndali ti agovoronere ti azuife na akangba ti azuife so ayeke leke kota da ti Nzapa ayeke so: a yeke futa azo ti kua ni na nginza so a zi ni na ndö ti amosoro ti gbia; so ti tene, nginza ti alapo so azo ti sese ti mbage ti Do ti ngu ti Efrate afuta. Ala mu nginza ni na azo so; tongaso si akua ni alingbi ti luti na lege pepe.

Esdras 7:9

Lo fa lango ti guengo ni na Babilone na kozo lango ti kozo nze ni; lo si na Jérusalem na kozo lango ti nze oku ni, ngbanga ti so maboko ti Nzapa ti lo ayeke lani na ndö ti lo ti bata lo.

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Zo ti bongbingo azo 2:5

mbi fâ ayaka ti pendere kongo na ti keke, mbi lu mara ti akeke nde nde so kue a yeke te le ni tengo.

Zo ti bongbingo azo 2:6

Mbi zi *alende ti to ngu ni ti tuku na ndö ti gba ti akeke so mbi lu.

Ésaïe 66:14

Tongana ala baa ande ye ni, fade be ti ala ayeke duti na ngia, tere ti ala ayeke kiri ti wara ngangu tongana fini pere na peko ti ngu-Nzapa.” Fade KOTA GBIA ayeke sara ye na ngangu ndali ti azo ti kua ti lo, me lo yeke fa ngonzo ti lo na awato ti lo.

Daniel 1:9

Nzapa asara si makonzi ti ambaiwa ni asara nzoni be na Daniel. Lo sara na Daniel alingbi na ye so Daniel ahunda.

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

Awatokua 7:10

Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.